Ministerio di Finanzas y Asunto Economico, a traves di Departamento di Asunto Economico,ta anuncia e prijs di gasolin y diesel cu lo tuma efecto entrante 1 di mei 2025.
Rebaho oficial di accijns riba gasolin y diesel
Ministerio a implementa un reduccion di 10 cen pa liter riba accijns, efectivo 1 di mei 2025. Esaki ta un medida pa yuda alivia presion riba poder di compra y pa crea espacio pa negoshinan tambe por reduci nan gastonan operativo.
Cambio pa e consumido:
Tumando e desaroyo aki, e prijs final pa consumido lo baha considerablemente:
Gasolin lo baha lo baha di Afl. 2,40 pa Afl. 2,28 pa liter, un reduccion di 11,6 cen (-5,1%)
Diesel lo baha lo baha di Afl. 2,06 pa Afl. 1,95 pa liter, un reduccion di 11,5 cen (-5,9%)
E rebaho aki ta refleha un impacto riba e inflacion di mas o menos 0,2%.
E decision aki di Gabinete AVP-Futuro tin un impacto real y directo den e bida diario di tur hende, specialmente famianan y negoshinan cu ta depende riba transporte diario.
Ministerio di Finanzas, Asunto Economico y Sector Primario ta sigui monitorea e desaroyonan internacional y lo adapta e prijsnan di productonan petrolero dia 14 di mei 2025.
Ta keda pendiente pa cualkier actualisacion riba e movecionnan di prijs riba mercado internacional y lo sigui comunica esaki debidamente cu pueblo di Aruba.
