Despues cu Ministernan Ing. Mike de Meza y drs. Paul Croes a anuncia e oficina den curazon di San Nicolas caminda e CITGO Desk lo ta estableci, esta na e ex-edificio diDOOV, ta importante tambe pa nos comunidad sa cua ta e email oficial di Gobierno pa apoya personanan cu kier traha den e refineria. Esey ta: cginfodesk@arubagovernment.aw.
Gobierno a pone funcionarionan disponibel pa apoya nosArubianonan den yega na un empleo den e refineria CITGO. “Pa cuida aspectonan di privacidad di esnan cu ta manda nan carta y curriculum vitae, nos a pone ambtenaarnan huramenta pa atendecu e peticionnan aki,” asina Minister drs. Croes a declara.
A bisa acerca cu esaki “ta un asunto serio cu nos ta maneha cu tur seriedad y confidencialidad. Nos no ta kere cu mester haci cu hendenan promesa falso di un empleo den e refineria”, Minister Paul Croes a bisa refiriendo na anuncio di parti di Parlamentariodi oposicion.
Durante e negociacionan cu ehecutivonan di Citgo Petroleum Corporation, Minister Ing. Mike de Meza como tambe e titular di Labor, drs. Croes a mustra e compania cu lo duna e apoyo nanos trahadornan local den e proceso aki.
Minister Croes: “Nos lo informa y recomenda e departamento diRecurso Humano di Citgo cua ta Arubianonan capacita pa trahaden e refineria. Finalmente e refineria y tambe e contratistananlo scoge nan trahadornan.” Gobierno tambe a duna di conoce cu ta bay traha riba e posibilidad di facilita entrenamento pa hobennan, si esey ta necesario.
Durante e encuentro cu e contratistanan den YMCA e mandatario a mustra cu un bon coperacion y relacion cu Gobierno tur hende lo sali gana di e reapertura di e refineria. “E cantidad di personanan cu ta mandando nan informacionnan tagrandi. Esaki ta mustra cu tin hende cu kier traha.
Actualmente esnan encarga cu e CITGO Desk ta haciendo unanalisis y tambe un division di e diferente funcionnan(specialidad) di e refineria. “Mi kier invita tur hende pa mandanan CV na: cginfodesk@arubagovernment.aw,” Minister Croesa finalisa bisando.
