Minister Paul Croes ta insisti: Comunidad keda alerta pa practica ilicito den nomber di CITGO

4juliNg CITGO.jpg

“Nos kier keda alerta nos comunidad riba practica ilegal y tambe uzo di nomber di e refineria di Aruba pa probecho politico personal. Nos ta monitor y ta laga Inspeccion di Labor haci su control riba negoshinan cu ta wordo haci den nomber di CITGO sin tin autorisacion pa haci esaki. E ta contra ley di propiedad intelectual di companianan estableci na Aruba”, asina Minister di Labor drs. Paul Croes a bisa ultimo den un entrevista.

E reaccion di e mandatario di Labor a bin como reaccion riba e anuncio di companianan y of oficinanan cu supuestamente tin acuerdo cu CITGO pa duna hendenan trabou den refineria. Pretende of actua di forma ilegal of sin autorisacion den nomber di un persona of entidad ta un hecho castigabel segun nos codigo penal. Tambe Minister di Energia Sr. Mike de Meza e condena e hecho cu cierto personanan kier haci mal uzo di algo positivo, pa nan propio beneficio.

E hefe di e ekipo di negociacion di Aruba, Sr. Richard Arends a comunica tambe cu e ehecutivonan di CITGO kendenan tambe a mustra nan preocupacion y a desaproba e practicanan iregular den nan nomber. CITGO ta desaproba cualkier uzo no regula di nan nomber. Esaki ta enpugna cu nan derecho di propiedad intelectual.

Tambe ta cobra personanan un ‘fee’ pa inscribi pa haya trabou den e refineria. Minister Paul Croes ta mustra categoricamente cu ta un instancia oficial di Gobierno tin cu ta e CITGO Desk y cu no tin ningun gasto pa mara na dje. “Mi kier alerta nos comunidad pa no cay den trampa di e hendenan aki”, Minister Croes a mustra.

CITGO Desk ta garantisa e privacidad di esunnan cu aplica como cu ta trata di funcionarionan publico cu ta huramenta y cu ta trahando na departamentonan di Gobierno. “Otronan por bisa cu nan ta yuda bo haya trabou, pero cada ciudadano lo mester pidi e supuesto oficinanan aki pa mustra nan contractonan cu nan tin sea cu CITGO of cu contratistanan. No cay den trampa di e hendenan aki”, Minister Paul Croes a mustra. 

E e-mail oficial di e CITGO Desk ta: Cginfodesk@arubagovernment.aw. Ningun otro ta traha den nomber di CITGO of di Gobierno di Aruba. Gobierno lo continua monitor cualkier movecion iregular di personanan of companianan cu kier saca probecho di hendenan inocente cu e falso promesa di duna nan trabou den refineria.

You May Also Like

“Educa muchanan riba finanza ta e miho manera pa sigura nan futuro”

Manera ta conoci, Kidpreneur stichting ta un fundacion cu ta enfoca rba trece educacion ...

Fundacion Hende Muhe den Dificultad: Tin cu kibra silencio

Dialuna mainta a ricibi noticia di caso di violencia domestico cual a cobra bida ...

image.jpeg

Varios herido den accidente fuerte na Siribana

Diamars pasa di 7:30 anochi riba e caminda di Siribana na Santa Cruz caminda ...

John Fun

‘Tin hopi pobresa na Aruba cu nos no ta wak’

 Desde aña 2001, Fundacion Ban Uni Man pa Cria nos Muchanan ta percura pa ...

A bolbe pone beslag riba cuentanan di InselAir

InselAir Aruba atrobe ta den un situacion di problema nobo awor cu Aruba Tourism Authority ...

Denuncia bisiña supermarket yanana Br 4 (1).JPG

Dunamento di tur sorto di permiso pa negoshinan den bario residencial a bira un free for all

– Habitantenan di Yanana a dicidi di vocifera nan disgusto publicamente, despues cu nan ...