Minister plenipotenciario Besaril a felicita Arjen van Rijn cu publicacion “Handboek Caribisch Staatsrecht”

DEN HAAG –Minister plenipotenciario Guillfred Besaril a felicita Arjen van Rijn cu publicacion di su buki “Handboek Caribisch Staatsrecht”. E presentacion oficial a tuma luga recientemente na oficina di abogado y notaris De Clercq na Leiden.

Sr. van Rijn den su introduccion a duna un splicacion extenso di e derecho politico den Reino Hulandes. Tambe sr. Van Rijn a mustra riba e diferencia cu ta existi entre Hulanda y e parti

Caribense di Reino. Hopi di e diferencia aki por wordo relata na e comunidad chikito di e islanan.

Despues Paul Comenencia y Maria van der Sluijs-Plantz, ambos miembro di Raad van State na nomber di respectivamente Curaçao y Sint Maarten, a tene un charla riba nan funcion y e

relacion di Raad van State pa cu Reino Hulandes.

Nationale Ombudsman di Hulanda Reinier van Zutphen a tene un discurso kico ta nifica ta

Ombudsman tambe pa e islanan Boneiro, Sint Eustatius y Saba.

Minister plenipotenciario Besaril a gradici Arjen van Rijn pa a documenta e aspecto importante aki di nos

derecho politico y cu esaki por conduci na mas comprondemento bou di e gobernantenan

Hulandes y e ambtenaarnan na e ministerionan na Hulanda.

Arjen van Rijn desde 2013 ta abogado y partner den De Clercq. Desde 2009 Arjen ta profesor extraordinario “Staatsrecht en Staatkundige Vernieuwing” na Universidad di Curaçao.

Den transcurso di aña Arjen a specialisa su mes riba derecho politico na Curaçao, Aruba, Sint Maarten y e islanan Hulandes den Cariba Boneiro, Sint Eustatius y Saba.

 

You May Also Like

starbucks

Hulanda a deal ilegal cu Starbucks, compania mester paga impuesto 40 miyon

Departamento di Belasting no a actua corecto ora di cera un deal cu Starbuck ...

zika.jpg

WHO ta rechasa peticion pa move weganan Olimpico Rio

WHO ta bisa cu cancelacion of move e weganan Olimpico lo no baha con ...

Mundo ta reacciona riba comentarionan ‘foi sla’ di presidente Trump

Presidente Mericano Donald Trump a keha riba imigrantenan cu ta bini Merca desde paisnan ...

situacion Venezuela

Babynan naci recien muriendo tur dia den hospitalnan Venezolano

E situacion na Venezuela ta conoci sinembargo noticia ta keda trece luz nobo riba ...

knife-stab.jpg

Homber a hinca 10 mucha cu cuchiu den un skol na China

6 mucha homber y 4 mucha muhe mester di tratamento urgente na hospital despues di ...

Shutdown di gobierno ta dal Merca riba prome siman di trabao

Miles di trahadonan federal no lo por reporta na trabao dialuna, mientras cu senado ...