Minister Xiomara Ruiz-Maduro (MEP)

Minister di Finansa, Asuntonan Economico y Cultura den pasado den su funcion como Parlamentario di nos pais Aruba na varios ocasion a alerta riba e rumbo cu e Gobierno di AVP tabata hibando e finanza publico di nos pais.

Ora cu a splica cu Aruba no mester traha debe desproporcional como tambe ora cu a splica pa e gobierno anterior no sinta hunga sinterklaas hincando placa den consumo en bes di inversion, no tabata pa papia bunita, pero tabata bisando e berdad cu e modo di goberna ey lo haci daño na full nos Pais, debilitando nos finanzas publico, stancando nos economia y hincando Pueblo su poder di compra den un posicion fragil.

Awe como mandatario encarga cu finanzas, Ruiz-Maduro ta sigui splica cu awor Aruba ta bibando den e realidad amargo di e mal maneho financiero di e Gobierno di AVP y Gobierno actual ta trahando pa mitiga e daño haci y pa trece un balansa. Ma no ta tur hende kier compronde e berdad di locual ta pasando y hopi ta spera cu tur cos cu a bay robes pa añanan por wordo drecha of poni bek den balansa sin cu esaki causa algun molester. E pensamento aki lamentablemente no ta cuadra cu e berdad ya cu tur cambio pa miho ta tuma tempo y espacio pa su implementacion.

Awe sindicatonan por ehempel ta exigi pa Gobierno cumpli cu acuerdonan firma pa e Gobierno di AVP cu a hiba un maneho financiero desastroso pa e Pais aki. Cuanto di nan ta realisa cu e Gobierno cu a sinta firma cu nan tabata hibando nos Pais den e direccion cu no por cumpli sin mas cu tur locual a wordo firma y acorda?

Nan a firma cu un Gobierno di AVP cu a redobla e debe y despues a djis cana bay laga otro Gobierno bin wak con ta deal cu e presion y consecuencia cu esaki ta trece cune pa full un Pais. Cual sindicato cu awe ta reclama e Gobierno nobo, a cuestiona e berdad aki? Nan a firma cu un Gobierno di AVP cu a sera un deal cu Citgo cu despues cu esaki no a realisa a afecta nos economia y a traduci su mes den un deficit grandi den presupuesto cu a trece problema pa e supervision financiero y e protocol cu e Gobierno di AVP a firma cu Hulanda. Cual sindicato cu awe ta reclama e Gobierno nobo, a cuestiona e berdad aki?

Na 2014 tur hende a core firma cu un Gobierno di AVP cu a sa di pusha tur responsabilidad dilanti den scochi di otro Gobierno. Hopi a kere kisas cu ta buena fe di dialogo esaki tabata pero poco a realisa e berdad cu nan a deal cu un Gobierno di AVP cu tabata coriendo pa su responsabilidad. Esaki kisas ta hustifica e silencio cu a reina di parti di hopi sindicato riba e mal maneho hiba cu awe hustamente ta e factor cu ta stroba cumplimento di Gobierno cu acuerdonan firma pa e Gobierno di AVP.

E gobierno actual desde inicio di nos gobernacion a splica tur sindicato na mesa na placa chikito kico ta e situacion financiero cu Pais Aruba ta aden y ki consecuencia esaki tin pa Aruba su posicion den Reino, riba e mercado internacional y pa Pueblo di Aruba mes. E daño cu e Gobierno di AVP a haci na nos Pais ta uno grandi y e Gobierno aki ta trahando pa mitiga esaki. Nos ta bayendo den bon direccion y ta cumpliendo cu tur locual cu por cumpli den cuadro di e realidad y berdad cu nos Pais ta bibando aden. Gobernacion di berdad ta continuacion, ma nos no por sigui un mal gobernacion manera e Gobierno di AVP y hinca Aruba den un abismo mas grandi cerando wowo pa e consecuencia cu decisionnan tin pa full un Pais. Tur cambio ta tuma tempo y espacio. Esaki no ta palabra bunita, ta e berdad e ta.

 

2 COMMENTS

  1. Kiko MEP mes a haci den e ocho aña cu AVP tabata na mando como opositie partij? MEP a kies di bai cu otro dos partido pa drecha Aruba su finansa y tabata sa con e finansa tabata na cuminsamento. Nan tabata sa ki job nan a cuminsa. Stop di tira cada bes atrobe riba AVP.n Si nan no por regla e cuenta aki, nan mester tuma retiro y laga un otro partido(AVP) drecha kiko nan a haci. Ami no ta pa AVP, MEP, POR, RED of UPP, pero ami ta pa Aruba y esun cu ta bon pa Aruba. Si bo no por drecha e situacion di finansas di Aruba, hala un banda y laga esun cu por hacie. Stop di tira santo den wowo di otro dor di grita: intergridad, corruptie, vriendjespolitiek, pasobra si bo mes ta integro, bo mag di tira e prome piedra na un otro manera Jesus a bisa. Of mihor bisa: dunami un tera den mundo cu no tin corrupcion, vriendjes politiek, falta di integridad. Esun cu ta grita mas duro ta kere cu niun hende ta wak riba nan. Laga nos wak prome na e werkgever di mas grandi di Aruba: overheidspersoneel!!! Cu un isla asina chikito nos mester asina tanto hende(overheidspersoneel) pa goberna Aruba??? Cuminsa cu esey y e debe lo baha hopi liher!!!

LEAVE A REPLY

Please enter your comment!
Please enter your name here