Mirando e investigacion reciente andando di parti di Ministerio Publico riba un empleado di Migracion Aruba, Ministerio di Husticia ta canando varios procedura disciplinario den varios departamento ora tin sospecho cu personanan ta haci cosnan cu no mag.
Minister Andin Bikker (POR) no tabata dispuesto pa splica ampliamente riba e investigacion andando encuanto e empleado di Migracion Aruba, mirando cu e investigacion ta andando ainda, ademas cu no ta custumbra pa comenta riba casonan individual. Sinembargo si por a splica cu gobierno, den su totalidad, ta sumamente serio riba e aspecto di integridad. Esaki ta e rason dicon a bin cu entre otro e proyecto di camara di integridad y e ley di destaho publico, segun Bikker.
