– Awe Corte den Prome Instancia a trata e caso contra e homber J.G.T., kende ta wordo sospecha di maltrato severo di su mes baby di 7 siman bieu. Hues a dicidi pa pospone e caso te 16 di maart 2017, pa duna un experto di NFI (Instituto Forensico di Hulanda) tempo pa traha un rapport tocante e caso. Na mes momento Hues a tuma e decision pa suspende e detencion preventivo di e sospechoso entrante awe.
Den su decision tocante e suspension di e detencion preventivo di e sospechoso, Hues a laga e circunstancianan personal di e sospechoso pisa mas cu e motibonan di procedemento penal. Na e mes momento Hues a dicidi cu e “ernstige bezwaren” y e base di e caso ta keda vigente.
Ministerio Publico no ta de acuerdo cu e decision aki di Corte y a bay den apelacion contra dje.
