Ministerio Publico ta traha na richtlijnnan nobo riba area di agresion relacional

Procurador General Alexander van Dam

Procurador-General di Aruba, Alexander van Dam, ta un di e personanan cu a hiba palabra durante e conferencia di Fundacion Hende Muher den Dificultad (FHMD) na ocasion di e Dia Internacional contra Violencia contra Muhernan.

Den su speech e Procurador-General a enfatiza e importancia di cooperacion riba termino largo entre e partnernan riba tereno hudicial y social den prevencion di violencia relacional.

Ministerio Publico tin un rol importante den esey, pero no por solucione su so.

E ta un question cu henter Aruba tin cu traha na dje.

Ministerio Publico ta no solamente castiga personanan cu a comete violencia relacional, pero ta tambe traha pa evita cu nan ta ripiti nan hechonan.

Sinembargo, Ley Penal ta e ultimum remedium, den sentido cu husticia ta solamente drenta aden si nada otro a funciona.

Ministerio Publico ta actualmente trahando na revisa e maneho di agresion relacional, y bin cu richtlijnnan (liñeanan di maneho) nobo, cu ta bay conta tambe pa polis.

E intencion di e richtlijnnan nobo aki ta pa Ministerio Publico y Cuerpo Policial di Aruba por reacciona cu mas eficiencia y efectividad riba violencia relacional.

Banda di dje ta trahando na realizacion di Veiligheidshuis, manera anuncia na inauguracion di e edificio nobo di Ministerio Publico.

Trabaonan ta andando y e expectativa ta cu Veiligheidshuis lo ta operacional dentro di corto.

E Veiligheidshuis tambe ta un forma di cooperacion entre partnernan hudicial y social.

You May Also Like

dolfi.JPG

SMAC a culpa KPA, KPA a tire culpa bek den scochi di SMAC

Via di un comunicado Dolfi Richardson hefe maximo di polis a informa locual a ...

‘Inclusion ta keda importante’

ORANJESTAD – Fundacion Sea Bunita Sea Bo Mes a comparti algun trato den comunidad ...

Despues 6 ora di reunion: frontera cu Venezuela ta keda cera

Despues di un reunion intensivo di 6 ora entre representantenan di Reino Hulandes, entre ...

Prome obheto di Aruba colga den Vaticano na Roma

Ayera durante prome rueda di prensa di gobierno pa 2018, minister Plenipotenciario Guillfred Besaril ...

lacle hunta supervision.jpg

ATA ta un compania “hopi bon controla”

Ayera mainta presidente di hunta di supervision di Oficina di Turismo di Aruba (ATA), ...

DSC_9464 (Custom).jpg

Crecemento record di mas cu 20% compara cu aña pasa

Diasabra awor dia 30 di juli lo despedi di studiantenan biahando pa Hulanda pa sigui ...