Major League Baseball ta bisa cu lo investiga acusacion cu Red Sox ilegalmente a uza nan camber di video replay pa horta seña entre pitchernan contrincante durante nan temporada di campeonato di Serie Mundial 2018.

Un reporte di The Athletic a haci e acusacion ayera. E website a cita tres fuente anonimo cu ta bisa tabata cu Red Sox durante temporada 2018, kende a bisa cu algun hungado a bishita e camber di replay durante weganan pa haya informacion di secuencia di seña. E fuentenan a bisa cu Red Sox no a logra haci esaki durante post temporada pa motibo di monitornan fisico uza pa MLB den e weganan ey.

“E comisionado a laga cla dia 15 di september 2017 den un memorandum pa clubnan con seriamente e lo tuma cualkier violacion den futuro di e regulacionnan pa cu uzo di ekipo electronico, of uzo inapropia di camber di video replay. Mirando e acusacionnan aki, MLB lo cuminsa un investigacion riba e asunto aki”, e liga a bisa den un declaracion.

Red Sox a bisa cu lo coopera mientras MLB ta investiga e acusacion. “Recientemente a pone nos na altura di acusacion sugeriendo uzo inapropia di nos camber di video replay”, e team a bisa den un declaracion. “Nos ta tuma e acusacionnan aki na serio y lo coopera completamente cu MLB den nan investigacion.”

E incidente cu a duna impulso na e advertencia di MLB na 2017 for di comisionado Rob Manfred na e teamnan a yega despues cu Red Sox a ricibi un multa pa ‘manda comunicacion electronico di nan camber di video replay na un trainer atletico den dugout’ durante un serie na augustus 2017 contra nan rival, New York Yankees.

New York Times a reporta cu manager general, Brian Cashman a entrega un keho cu oficina di e comisionado tocante e incidente, cu a inclui video. E corant a bisa cu e video ta mustra un miembro di staf di training di Boston mirando su Apple Watch den e dugout y transmitiendo un mensahe na e hungadonan.

Manfred a bisa e tempo ey cu cualkier futuro violacion lo ocasiona sancionnan mas serio, incluyendo posibel perdida di draft picks. El a bisa luna pasa cu e tin autoridad pa duna castigo mas fuerte ainda.

E acusacion mas recien contra Red Sox a yega despues cu The Athletic a reporta luna pasa cu Houston Astros supuestamente a horta seña durante weganan na cas di nan temporada di campeonato Serie Mundial 2017, uzando un camara posiciona den center field.

Manager di Boston Red Sox, Alex Cora tabata coach di bench pa e team ey y a papia cu MLB. El a nenga di duna mas comentario riba e asunto.

LEAVE A REPLY

Please enter your comment!
Please enter your name here