(AP) Moderna ta bisa cu su vacuna contra COVID-19 ta protehe muchanan di 12 aña, cual ta haci cu e vacuna ta bira e di dos vacuna disponibel pa e grupo di edad aki.
Mirando cu globalmente tin cantidad di vacuna limita, hopi parti di mundo ta luchando pa por vacuna tur e adultonan como un intento di caba di cu e pandemia. Cuminsamento di e luna, U.S y Canada a duna autorisacoin pa usa e vacuna traha pa Pfizer y BioNTech cu muchanan cuminsa na 12 aña.
Moderna kier yega na e di dos luga, bisando cu nan lo manda nan informacion riba hobennan na U.S Food and Drug Administration y otro instancianan mundial lo mas pronto posibel.
E compania a studia mas di 3,700 muchanan entre 12 cu 17 aña. Mustrando cu e vacuna ta provee e mesun cantidad di proteccion den muchanan como den adulto, y e mesun efectonan secundario manera dolor di man, dolor di cabes, y fatiga.
No tabatin diagnosis di COVID-19 den esunnan cu a tuma e dos dosis di e vacuna aki, compara cu e 4 caso cu a tuma e test di e vacuna. Den un rueda di prensa, e compania a declara cu e vacuna aparentemente ta 93% efectivo dos siman despues di solamente e prome dosis.
Mientras cu muchanan tin menos riesgo di yega na un condicion critico cu adulto, nan ta representta mas o menos 14% di e casonan. Al menos 316 a muri den U.S solamente.
Mirando cu tin un cantidad grandi di vacuna, e hobennan a yega den cantidad grandi pa tuma nan vacuna di Pfizer, solamente dia despues cu FDA a autorisa e opcion aki pa nan, como un intento di tin tur e muchan vacuna prome cu e siguiente aña escolar.
Pfizer y Moderna a cuminsa test caba riba muchanan di 11 aña te cu baby di 6 luna. E testnan aki ta mas compleho, mirando cu hobennan por ricibi mesun dosis cu adulto, pero pa muchanan y baby, mester yega na un dosis mas abao pero efectivo.
