Un hurado Mericano a otorga $80 miyon di compensacion na un homber na California, tocante su declaracion cu e ‘weed killer’ Roundup a causa su cancer.
E hurado di seis persona na San Francisco a sostene e compensacion pa Edwin Hardeman, di 70 aña di edad, diaranson. E mesun hurado anteriormente a haya cu Roundup tabata un factor substancial den su lymphoma non-Hodgkin’s.
Gigante di industria agricultor, Monsanto ta enfrentando miles di demanda similar na nivel nacional. Monsanto ta bisa cu estudionan a establece cu e ingrediente activo den su ‘weed killer’ ampliamente uza ta sigur.
Un hurado diferente na augustus a otorga un otro homber $289 miyon. Un hues despues a baha e cantidad na $78 miyon, y Monsanto a apela.
E caso di Hardeman por ta mas significativo pasobra e hues ta evaluando centenares di demanda di Roundup, y a considera esaki un ‘huicio di guera’.
Bayer a adkiri Monsanto aña pasa, y ta bisa cu e ta decepciona cu e veredicto diaranson. Pero e compania ta bisa cu e no ta ‘cambia e peso’ di estudionan y reguladonan rond mundo cu ta bisa cu e herbicidanan ta safe.
Esaki ta e di dos compensacion multimiyonario cu un hurado a otorga den un demanda contra Roundoup, y miles di otronan ta pendiente rond di Merca.
