Morto di insecto sin precedente – nos ta atravesando un di 6 extinsion masal

Pa algun motibo, ta mas facil pa preocupa nos mes tocante morto di turtuga marino, beer of rhinoceronte blanco, cu pa sinti remordimento tocante desaparicion di bichi.

Pero e perdida di insecto ta un menasa teribel – un cu por desata un ‘collapse catastrofico di ecosistema di tera’, segun un estudio.

E investigacion, e prome revision global, a mira 73 reporte historico tocante caida di insecto rond mundo, y a haya cu e masa total di tur insecto di e planeta ta cayendo cu 2.5% cada aña. Si e tendencia aki sigui sin interupcion, nos planeta no lo tin niun insecto pa 2119.

“Den 10 aña lo tin 25% menos, den 50 aña mita so ta resta, y den 100 aña no lo tin niun”, Francisco Sanchez-Bayo, co- autor di e estudio y investigado na e Universidad di Sydney, a bisa The Guardian.

Esaki ta un problema grandi pasobra insectonan ta fuente di alimento pa cantidad di parha, pisca, y especienan mamifero. Polinisadornan manera barbulet y abeha tambe tin un rol crucial den produccion di fruta, berdura, y nueces.

Insectonan ta extinguiendo 8 biaha mas lihe cu mamifero, parha y reptilnan.

Sanchez-Bayo y su team a enfoca nan analisis riba insecto na paisnan Europeo y Nort Americano. Nan a calcula cu 41% di especie ta den caida, 31% ta menasa (segun criterio estableci pa International Union for Conservation of Nature) y 10% ta extinguiendo localmente.

E estudio ta sugeri cu especienan di abeha na Reino Uni, Dinamarca y Nort America a wordo afecta gravemente – bumblebees, abeha di honing, y abeha salbahe tur ta cayendo. Na Merca, e cantidad di colonia di abeha di honing a cay for di 6 miyon na 1947 te 2.5 miyon apenas seis decada despues. Barbulet y ‘moth’ tambe ta desapareciendo. Entre aña 2000 y 2009, Reino Uni a perde 58% di especie di barbulet riba tereno di cunucu. Dragonflies, mayflies y te hasta beetles ta muriendo.

Ora di mira tur poblacion animal riba planeta (ademas di insecto) segun un estudio di 2017, ta parce e planeta ta atravesando un proceso di ‘anihilacion biologico’. E analisis ta calcula ‘como 50% di e cantidad di individuo animal cu unabes a comparti Tera cu nos, no t’ey mas’.

E caida rapido den biodiversidad global frecuentemente ta wordo yama e ‘di seis extinsion’, ya cu ta e di seis biaha den historia di bida riba planeta cu e fauna ta experiencia un collapse mayor den su numbernan.

Den pasado, extinsion masal tabata causa pa emergencia di era di ijs of collision cu asteroide. Esaki, sinembargo, ta causa pa actividad humano – pues deforestacion, mineria, y emisionnan di dioxido di carbono.

“Ya cu insecto ta dos tercio di tur especie terestre riba Tera, e tendencianan aki ta confirma cu e di seis evento di extinsion masal ta impactando profundamente bida riba nos planeta.”

Caidanan substancial den poblacion di insecto ta menasa e produccion di cuminda, palo y fibra, riba cual sobrevivencia di humanidad ta depende, segun Timothy Schowalter, un profesor di entomologia na Louisiana State University.

“E caida di polinizador ta pone 35% di fuente di cuminda den riesgo, cual ta e motibo pakico paisnan Europeo ta ordenando proteccion y restauracion di habitat di polinizadornan.” Pesticida, fertilisante, y uzo pisa ti tera pa agricultura ta e forsa tras di e catastrofe aki.

Pa enfrenta e problema, Sanchez-Bayo y su colega ta pushando pa iniciativanan pa restaura habitat di insecto, y baha e cantidad di kimico uza den agricultura. “Ta imperativo cu e patronchi di uzo di pesticida, mastanto insecticida y fungicida, wordo reduci na un minimo.”

 

You May Also Like

Dama difunto identifica despues di 27 aña

Un dama cu a wordo mata ta crusa un caya na California 27 aña ...

Concierto cancela na Rotterdam pa via di menasa terorista

Un vehiculo ‘spaño’ cargando varios contenido di gas a wordo haya den cercania di ...

Pa cura cancer, mas di 200 mil persona a comment “amen” na un escena di porno

Un usuario di Facebook a publica un potret di un escena di porno, haciendo ...

Escandalo di webo contamina: 700,000 distribui na UK

Mas o menos 700,000 webo a wordo manda pa UK cu a sali for ...

3gorillaMAIN_2899688a.jpg

Morto di Gorila Harambe: E tabata protege e mucha di hende cu tabata grita

Un experto den comportacion di animal na Australia, Gisela Kaplan, ta bisa cu e ...