motociclista ta bira victima di accidente fatal awe mainta

Dialuna mainta den careda di 10’or tanto polis y ambulance ta bay cu urgencia dilanti Tesco Supermarket situa na Jaburibari, pa un accidente serio entre brommer cu auto.
Na yegada di polis mes ora ta pidi ambulance cu maximo urgencia, mirando cu e victima ta gravemente herida. Na yegada di ambulance mucho no por haci, mirando cu e victima a fayece al instante debi na e impacto duro contra e truck.

Na e sitio esunnan presente por a scucha e chauffeur di e truck di carga declara cu el a bay bira pa bay Tesco y no a wak e brommer. Vocero di Polis Lito Lacle tabata presente na e sitio pero no por a confirma na nos cu berdad esaki ta e causa di e accidente y a bisa cu investigacion ta wordo haci cu finalmente ta determina exactamento locual cu a pasa. Di otro banda por mira cu e motociclista tabatin su helm bisti manera ley ta prescribi y e impacto a benta e motociclista banda di un otro truck di delivery, cu tabata staciona dilanti e supermarket.

Herley Bocanegra Pineros naci na Colombia naci 24-8-1968, biba na Tamarijn ta e persona cu a fayece. Pa 10:20 dokter Van Ool ta constata morto. E ta bira e di 5 morto den trafico.