Dialuna mainta den careda di 10’or tanto polis y ambulance ta bay cu urgencia dilanti Tesco Supermarket situa na Jaburibari, pa un accidente serio entre brommer cu auto. Na yegada di polis mes ora ta pidi ambulance cu maximo urgencia, mirando cu e victima ta gravemente herida.
Na yegada di ambulance mucho no por haci, mirando cu e victima a fayece al instante debi na e impacto duro contra e truck.
Na e sitio nos por a scucha e chauffeur di e truck di carga declara cu ela bay bira pa bay Tesco y no a wak e brommer.
E motociclista tabata tin su helm bisti manera ley ta prescribi. Debi na e impacto e motociclista ta bay cay banda di un otro truck di delivery, cu tabata staciona dilanti e supermarket.
Herley Bocanegro Pineros naci na Colombia naci 24-8-1968, y tabata empleado di Ritz Carlton. Pa 10:20 dokter Van Ool ta constata morto. E ta bira e di 5 morto den trafico.
