Un mucha muhe di 11 aña a fayece tragicamente despues di a cay for di e Splash Canyon cual ta un actividad di awa den Drayton Manor theme park Inglatera. Bishitantenan a describi scuchando gritamento y joramento biniendo for di un di e actividadnan di e parke cu yama Rapids-Style despues di e incidente alrededor di 2:20 pm diamars merdia. “Nos por confirma cu e mucha muhe tabata riba un trip cu scol,” vocero di polis ta bisa. Tin indicacion cu e mucha muhe a lanta para ora cu e vehiculo a pega den e awa, durante e cinco minuut di e actividad y bolter bay na banda. E mucha muhe no a hoga pero e por a dal su cabes y cay den e awa cu profundidad di 1.5 meter . El a wordo transporta pa hospital unda cu e tabata den condicion critico y fayece algun rato despues.
E Splash Canyon Ride a habri den 1993 y ta consisti di 21 boto, cu ta wanta seis persona cada un.
