Mucha di dos aña diagnostica cu cancer bayendo Hulanda pa tratamento

Siman pasa un mayor a ricibi noticia cu su yiu homber di dos aña tin cancer. Esaki a sosode despues di varios biaha cu bay dokter di cas y pidi pa un specialista wak e mucha ya cu nan no tabata haya normal e cantidad di biaha cu e mucha ta malo cu keintura halto. E criatura lo ta subiendo avion hunto cu su mama pa bay tuma tratamento na Hulanda. Mientras tanto, un grupo grandi di persona a bin dilanti e fin di siman aki pa yuda cu donacion pa tata tambe por bay hunto cu nan, ya cu AZV ta cubri pa un mayor so.

Bon Dia Aruba a tuma contacto cu AZV y lo keda pendiente pa nan reaccion riba e caso aki y e procedura tuma. E tata Edmar Winterdaal a comparti riba su pagina di Facebook e fin di siman aki un storia cu a captiva comunidad di Aruba. E ta conta cu su yiu di dos aña Sheydon Hose tabata bira malo ultimo tempo cu keintura halto y basta frecuente. Cada bes cu nan a hiba e mucha cerca dokter Giel, segun e ta sigui declara, e dokter a prescribi Paracetamol y ta manda e mucha cas sin pidi pa un specialista. Ultimo siman, e mayor a ripara cu e barica di su yiu a cuminsa blaas y despues di a bolbe acudi cerca e dokter, a laga e mucha bay un specialista.

‘Wilms tumor’
E resultado di bishita na specialista a constata cu Sheydon tin un tumor di 12 centimeter den su riñon. E tipo di cancer aki ta conoci como e Wilm’s Tumor. Esaki ta un tipo di cancer den riñon cu ta mas comun den muchanan y no mesun hopi pa adultonan. Un di e cosnan cu seguramente ta molestiando Sr. Winterdaal ta e echo cu e dokter a keda manda e mucha cas cu Paracetamol den e prome simannan cu a cuminsa ripara cu algo no tabata bon. “Nos a keda pidi pa cuido special di specialista. Despues cu porfin e dokter a laga nos bay un specialista, a bin dilanti cu Sheydon tin un tumor di 12cm den su parti abdominal.” Sr. Winterdaal ta splica cu como mayor bo sa ki ora bo yiu ta malo y cu algo no ta bon.

Donacion y gradicimento
Sr. Winterdaal a tuma e fin di siman aki pa e bay entre otro na Linear Park pa tuma donacion di hende y Kapel Alto Vista pa haci oracion. El a presenta atrobe na Linear Park 7:30 ayera nochi pa ricibi mas donacion. “Danki guys, danki. Un cambio mester pasa, un cambio ta bay bin den nomber di amor. Mi no ta bay para asina wak na banda. Ami ta bay habri mi boca pasobra mi sa cu hopi hende no tin e conocemento con pa move y e ta un bataya hopi duro. Pa para bo mes riba pia y expresa bo mes no ta facil. No ta facil pa saca dolor di famia pero nos ta bay dilanti,” sr. Winterdaal a expresa cu hopi emocion. E tata kier bin cu un movemento yama ‘Celebra Bida’. E ta indica di no sa ainda completamente con e ta bay haci esaki, pero e kier traha un movemento pa yuda famianan cu ta pasa den e mesun tipo di casonan aki. Ya caba ta conta cu apoyo di artistanan local manera Jeon, Janiro Eisden, Zyon y hopi otro hende mas cu ta apoyando e causa aki.

E tata a kita for di trabao pa por bay Hulanda y asina sostene su yiu den bringa e cancer aki cu el a haya. Mañan nan ta biaha bay Hulanda despues cu a pidi comunidad di Aruba pa aporta cu algo pa yuda e tata yega na su pasashi y cubri su gastonan pa e por bay cu e mucha. Cu lagrima na su wowo, sr. Winterdaal a gradici tur hende cu a bini hunto pa yuda cu e situacion hopi fastioso aki cu nan ta aden. Via un video di Facebook Live e ta bisa: “Pa mi yiu mi lo move shelo y tera. Esaki ta e miho manera pa mi comunica cu boso tur y mi ta gradici boso un mundo pa boso apoyo.”

You May Also Like

Dr. Horacio E. Oduber Hospital a firma MoU cu VUmc

Recientemente Dr. Horacio E. Oduber Hospital y VUmc Vrije Universiteit di Amsterdam ta cera ...

13-11-16 auto sindoumentofrogs (2).JPG

Chauffeur riba su trip a keda na pia pa core auto sin documento

Diadomingo marduga patruya durante nan control den area di Hot zone a para un ...

Muchanan sexualmente activo desde 9 aña

Monique Giel Labad di Wit Gele Kruis (WGK) a trece dilanti cu tin hopi ...

image.jpeg

Hombernan gara ta horta klinkers na Pos Chikito

Diadomingo atardi otro banda di caminda unda tin e trabounan andando un persona atento ...

Despues di 40 aña: Stichting Geestelijke Gezondheidszorg

Recientemente Minister dr. Carlos Alex Schwengle conhuntamente cu AZV y notario a firma e ...

Storing di turbina 6 a causa blackout

Ayera full Aruba a keda sin coriente y tambe e presion di awa a ...