Diadomingo despues di merdia a tuma luga e Parada di Fantasia na San Nicolas, unda muchanan a gosa di un desfile yena cu color, musica y bon ambiente.
E tabata un parada cu a mira participacion di seis grupo, esta Don Flip, Little Groovers, Empire Carnival Group, Champagne Carnival Group, Unity Carnival Group y por ultimo TOB Carnival Group.
Muchanan a keda briya den nan colornan fuerte y por a mira nan baila y canta hunto cu nan mayornan y famia durante e parada. Tambe tabatin un aparencia special di ganador di Tumba Hubenil, Melody Franken, ken tambe a disfruta di e ambiente na San Nicolas.
E parada a cuminsa 2or di atardi y a pasa den e ruta familiar na San Nicolas, cuminsando di Joe Laveist bay Lago Weg, Pastoor Henrickstraat y caba back na Joe Laveist.
Sigur un atardi agradable pa e muchanan, unda nan por a ‘warm-up’ pa e paradanan binidero, mirando cu anticipacion specialmente pa e paradanan di mucha binidero.
Potretnan cortesia di SMAC.
