Diasabra ultimo pa 2or dia atardi en punto a sali for di Bubali Commercial Center caminda pa Centro di Bario di Noord e Parada number 56 di Mucha na Noord unda varios grupo a presenta cu e muchanan na unda nan colornan y costume a resalta di un manera unico.
Reinanan cu Prins y Pancho ta esun cu a habri e parada pa despues Quality Brassband a continua dunando paso na Centro di Bario Noord Carnival Group cu nan tema ‘Zjeito di Nortero’.
Carosa di reina Yen di Zjeito, Grupo Centro di Bario di Noord mas NBO a pone full ambiente conhuntamente cu Colegio Bon Bini ‘Rocks’ademas di Scol di Hunga Chikitin Bin Bin cu su Dancing Stars.
Tabatin e presentacion tambe di Carosa di TOB, Candy Dancers cu su fantasia di musica, Scol Basico Ora Ubou cu nan tema ‘Don’t worry Be Hippy y nan 50 aña di celebracion.
Siguientemente a presenta The Little Stars Carnaval Group cu nan tema Kico mi kier ta? Celebrando nan 51 aña den carnaval usando pañanan cu material di reciclahe y finalmente Grupo Comico ‘E loconan di Noord’ a cera e parada cu nan presentacion conoci como hopi peculiar.
Despues di dos aña di pandemia, finalmente aña 2023 ta Aruba su Carnaval number 69 na unda hopi hende ta poniendo nan best pa nan por celebra e fiesta nacional aki caminda muchanan tambe ta celebrando esaki.
