(AFP)—For di comportamento ansioso na Olimpiada di Invierno te na ‘tech bros’ cu no por ni tene man…Aki ta bo resumen semanal di noticianan straño rond mundo.
Dunkirk spirit
Den un aliniacion unico di planeta, e Aña Nobo Lunar Chines, Ramadan, Cuaresma Cristian y temporada di carnaval tur a bin na mesun momento e siman aki den un mescla di ayuno y fiesta.
Y na ningun otro luga e celebracion di mitar invierno tabata mas loco y straño cu na e puerto Frances di Dunkirk, unda festividadnan a yega na su climax ora figuranan importante local a tira monton di pisca for di balcon di pa dies miles di asistentenan cu tabata baila den sneeuw abao.
Hopi di nan a caba di calenta nan prome na e World Seagull Cry Championship, un scandal di zonido cu tabata inclui gritamento, cu participantenan imitando meeuwchinan local den un microfon di bacoba.
Un finalista cu a perde a bisa AFP cu e tabata un tiki tristo despues di perde despues di “entrena tur dia den auto.”
Curl up and die
For di un atleta Italiano cu a fracasa test di antidoping pasobra el a come Nutella pa desayuno te na tiramento di palabra malo den curling, e Olimpiada di Invierno no a desilusiona.
Biathleta Rebecca Passler finalmente a haya permiso pa competi despues cu a sali cu test positivo tabata pasobra el a comparti e crema di chuculati cu su mama, ken ta ricibiendo tratamento pa cancer.
Pero curling—un tipo di bowling riba ijs cu e atraccion extra di barimento fuerte—awor a perde su imagen elegante pa semper.
Ganador di oro Canades Marc Kennedy a keha cu “e espirito di curling ta morto” despues cu un Sueco a acus’e di trampa.
Indigna cu e insinuacion ey, Kennedy a responde, “Mi a touch e un biaha so, f*** bo!”
Un yuwana di mas
Un reportero di TV Australiano tambe a bira viral despues cu el a papia straño durante su reportahe for di pista, mencionando yuwananan congela y prijs di koffie arbitrariamente.
Danika Mason di Channel Nine despues a admiti cu el “a bebe algo” prome cu el a bay live, mientras coleganan den studio a purba tapa e situacion culpando e haltura y clima den Alpes Italiano. “Ta dificil pa saca palabra ora bo lipnan ta friu…”
Pero esaki no tabata nada compara cu e berguensa di periodista deportivo riba canal publico Italiano RAI, cu a menasa di bay welga despues di comentarionan yen di eror durante e ceremonia di apertura, presenta pa hefe di e departamento deportivo.
Hefe di RAI Sport Paolo Petrecca tabata completamente sobrio pero a confundi cantante Italiano Matilda De Angelis cu Mariah Carey, e presidente di Comite Olimpico cu yiu di presidente Italiano y a duna bon bini na espectadornan na “e stadion Olimpico” mientras cu esey ta na Roma y e ceremonia tabata den San Siro na Milan.
E tambe a logra ofende e team Chines—“naturalmente hopi tin telefon den man”—prome cu el a admira un atleta Spaño, bisando cu e “semper ta hopi sexy.” Petrecca despues mester a renuncia.
Inteligencia emocional
Tabata un siman interesante pa esnan cu ta haci humanonan obsoleto. China a presenta un grupo di robot humanoide hopi acrobatico pa su gala di Festival di Primavera di Aña Nobo Lunar. Nan demostracion di arte marcial a laga red social sorprendi y presentador Mericano di ‘late-night’, Stephen Colbert, a murmura, “Mi ta give up!”
Na mesun momento, lidernan di e universo AI a reuni na New Delhi. Pero e potret final di gigantenan di tecnologia na e cumbre cu lider Indio Narendra Modi a resulta incomodo y gracioso, unda Sam Altman di ChatGPT y Dario Amodei di Anthropic no kier a wanta man di e prome minister.
Tempo pa pidi Claude pa un tiki conseho di relacion.
