(AP) Biyonario CEO di Tesla Elon Musk a pone un pausa temporario riba su plan di cumpra Twitter, treciendo dudanan nobo si en realidad e lo procede cu e adkisicion di 44 biyon dollar.

Musk a publica anteriormente riba diabiern cu e tabata kier a sa e cantidad di cuenta falso riba e plataforma di red social. E ta hopi vocal tocante su deseo di limpia Twitter y soluciona su problema cu ‘spam bots’ cu ta haci manera ta persona real tras di e cuenta, pero tambe e ta cuestiona si Twitter no ta reporta esakinan manera ta debi.

E compania a conta den documentonan rergulatorio cu e calculacion di e cantidad di e cuentanan aki por ta abao pa por lo menos 2 aña, cual ta causa cu hopi analista ta bisando cu Musk por ta treciendo e problema aki dilanti como un motibo pa no cumpra e plataforma. “Compra di Twitter ta riba un pausa. Mi ta pendiente na e calculacion cu ta sostene y comproba cu en realidad e cantidad di cuenta falso/spam ta representa menos di 5% di e usuarionan,” Musk a publica riba su cuenta di Twitter diabierna mainta, indicando cu e tin duda cu e cantidad di e tipo di cuentanan aki ta asina abao.

Sinembargo, despues di esaki el a comenta cu te ainda e ta “comprometi” na e adkisicion aki. Ni Twitter ni Musk a responde na peticion pa comentario.

LEAVE A REPLY

Please enter your comment!
Please enter your name here