Na 2018 solamente 40% di e vehiculonan a wordo gekeur

ORANJESTAD – DTI kier informa na e pueblo di Aruba encuanto e procedura pa keur vehiculonan di motor. Den aña 2018 mas o menos 40% di e vehiculonan di motor di Aruba a wordo gekeur. Por bisa cu e gran mayoria di vehiculonan di motor na Aruba no ta gekeur, e ta inclui e vehiculonan particular y tambe di transporte publico, specialmente V-auto.

Ta importante pa keur bo vehiculo di motor, pa motibo cu esaki ta un chekeo pa cu e condicion di e vehiculo y ta hisa e siguridad di bo mes, di bo famia, y tambe di otronan. E conseho di DTI ta, pa evita desgracianan innecesario, evita boetnan halto y keur bo vehiculo di motor.

Pa traha cita (Afspraak)
Orario pa traha cita ta di 7:45 pa 11:30 y di 13:00 pa 15:30.

Keuring di vehiculo di motor ta di dialuna pa diabierna di 7:30 pa 12:00 y di 13:00 pa 16:00.

E keuring ta tuma luga via un cita, paga adelanta.

Por pidi un cita solamente personalmente na balie di D.T.I.- Barcadera #153. (situa riba caminda di Barcadera Pariba di Arugas)

Pa por haya un cita e cliente mester:

  1. pasa na balie #2, prome pa traha un cita/afspraak.
  2. Despues pasa na balie #1, e cahera, pa paga

Importante: Trece e siguiente documentonan y informacion pa traha cita:

  • Registratie formulier DIMP (marca y Vin nr di e vehiculo)
  • seguro valido,
  • nomber y telefon di e cliente.

Keuring di e vehiculo.

Riba dia di cita tin cu presenta prome na balie (Balie #3) cu e siguiente documentonan:

  • Comprobante di e cita,
  • Keuringsbewijs bieu (si e vehiculo a yega di keur caba),
  • Registratie formulier di DIMP y
  • Comprobante di seguro valido.

Importante: No ta permiti pa pasa e vehiculo den e edificio di keur, prome cu a entrega e documentonan na balie.

Saca tur pertenencianan di balor (placa, tas, cartera, etc.) for di bo auto prome cu e pasa den e hal di keuring. DTI no ta responsabel pa cu esaki.

Ora di keuring ta wordo controla entre otro e siguiente puntonan:

1. E datonan di e registracion ta wordo verifica:

a. E Vehicle Indentification Number (VIN)

b. E tipo di vehiculo y e tipo di motor (Si e tipo di motor di e vehiculo no ta cuadra  (p.e. ta indica gasolin, pero ta diesel) ta exigi pa haci cambio na DIMP prome cu otorga e keuringsbewijs)

c. Color di e vehiculo.

Ta controla si tin un seguro valido. Si no tin un seguro valido no ta otorga e keuringsbewijs.

2. Algun puntonan tecnico:

a. Brake di pia y handrem

b. E mecanismo di stuur y shocks.

c. E tairanan mester tin groef (min. 1 mm.)

d. E motor, muffler y escape di gas (vehiculo cu ta produci hopi huma no ta pasa  keuring)

e. E luznan (luznan di color no ta acepta)

f. E glasnan riba e vehiculo y e wiper (Tint: windshield strook maximal 15 cm. ariba; otro glas min.30%)

g E pito, mester ta un solo tono

h. E condicion general di e vehiculo y e midinan (4,20 m. halto – 2,60 m. hancho)

i.    Safety belt, spiel, sientanan, etc.

Unabes cu e vehiculo wordo goedgekeurd un sticker ta wordo duna na cliente pa wordo geplak riba e windshield na e skina banda drechi abou. Si pa un motibo of otro e vehiculo wordo afgekeurd e cliente ta haya chens pa drecha e fayo indica pa e keuringsambtenaar dentro di 30 kalenderdagen. E cliente tin 1 chens pa herkeur e vehiculo. Si encaso e bolbe wordo afgekeurd lo mester traha un afspraak di nobo pa bolbe keur e vehiculo completo.

Tarifanan di keuring ta como lo siguiente:

  • Vehiculo cu un peso menos cu 3500kg ta paga Alf 50,-
  • Vehiculo cu un peso mas cu 3500kg ta paga Alf 80,-

y pa cada as extra ta bin acerca Alf 30,-

  • Duplicaat ta Alf 10,-
  • Overschrijving ta Alf 10,-
  • Registracion ta Alf 5,- si e vehiculo tin un keuring valido y si e vehiculo no ta gekeurd ta paga 50,- pa registracion plus ta haya afspraak pa e vehiculo bin keur.

Pa cierto vehiculonan di transporte publico tin exigencianan adicional:

Por ehempel interior, spare tire, EHBO kit, brandblusser, cantidad di asiento, etc.

Keuring ta tuma luga conforme stipulacionnan  di Landsbesluit voorschriften voertuigen (AB 1999 nr. 33).

 

You May Also Like

Hendenan no ta pensa ainda cu cuminda lo por bira scars

Desaroya proyecto den sector primario manera agricultura y cria di bestia ta demanda  hopi ...

Bureau City Inspector y InfraAruba riba caso Canashito

ORANJESTAD – Durante un conferencia di prensa teni ayera na Bureau City Inspector, Kevin ...

249A8501.JPG

Ta fumiga e siman aki den districto di Paradera y Santa Cruz

Accion di spuit ta sigui y DESPA ta pidi comunidad pa porfabor elimina criadero ...

Reechel Fingal: ‘nurse ta abogado pa e pashent’ (Apertura siman di enfermeria)

ORAJESTAD – Diadomingo awor ta Dia Mundial di Enfermeria caminda un yamado a wordo ...

caya grandi.jpg

‘Caya grandi por bira un explosion culinario y mas’

Segun Germille Geerman di Itza Pizza, un negoshi cu recien a establece su mes ...

Fondonan SVb cu resultado mas positivo

Riba e resultado di e prome kwartaal di 2017,  Banco di Seguro Social (SVb) ...