(AP) — Vignir Kristinsson ta hari mientras dos muhe, e unico cliente tur mainta, ta drenta su tienda di regalo yena cu cosnan di palo traha na man. Despues di examina decoracion variando di animal pa mesa di cushina, un muhe a compra un palo chikito cu a ser tint preto.
Despues di decadas trahando kabinet pa biba, Kristinsson, 64, a bisa cu su yiu muhe a convence pa converti su pasion pa trabao di palo den un negoshi. Cinco aña pasa e y su casa a habri e tienda na Grindavik, un pueblo di costa cu 3,800 hende rond di 50 kilometer sur-west di e capital di Iceland, Reykjavik. E negoshi tabata bon.
Anto e erupcionnan volcanico a cuminsa.
Desde december 2023, nuebe erupcion cerca di Grindavik a forsa residente pa evacua ripitidamente, cu autoridadnan clausurando e pueblo pa periodo variando di un par di dia pa luna.
Iceland ta conoci pa volcan
Islandesnan no ta stranhero pa erupcion. Esunnan cerca di Grindavik a bin for di e fila di crater Sundhnuksgigar, un serie di habrido volcanico cu ta parti di e sistema volcanico Svartsengi, den e Peninsula Reykjanes.
Prome cu e prome erupcion casi dos aña pasa, e sistema tabata tin 783 aña inactivo.
Cientificonan ta bisa cu e actividad volcanico no a caba. E Oficina Meteorologico di Iceland, cu ta monitoria volcannan, na september a bisa cu un di dies erupcion tabata probabel den e lunanan binidero. Ta imposibel pa sa cuanto tempo e actividad por dura.
Residentenan ta bisa cu nan a custumbra na e stress constante.
Casnan bashi, pero señal di recuperacion
Den parti di Grindavik y areanan rond di dje, lava a dera caminda y cas, laga pida di piedra duro cu ta keda cayente pa lunas. E temblor intenso durante erupcion, causa door di e movemento di magma bao di tera, a laga habrida grandi den tereno hunto cu crack den caminda y cas.
Aunke mayoria di residente a bandona, algun a keda. Nan ta asina cansa di e interupcionnan y tin speransa cu bida eventualmente por bira normal.
Pero esey ta sinti leu. Mayoria di negoshi ta cera. Turistanan por ta e señal mas grandi di actividad humano. Nan ta bula drone riba cama di lava pafo di Grindavik y ta explora e pueblo y su daño.
Aun asina, tin señal modesto di recuperacion. E team local di basketball profesional recientemente a cuminsa hunga wega den e pueblo atrobe, y autoridadnan ta discuti e posibilidad di habri scolnan den aña binidero. Reportenan di noticia local ta bisa cu mas residente ta bolbe, aunke no ta claro cuanto.
Un peticion pa entrevista na e oficina di alcalde no a ricibi contesta.
Ex-residente ta evalua kico haci cu nan cas
Cuminsando na cuminsamento di 2024, residentenan a bisa cu e gobierno a ofrece pa compra nan casnan, un trata cu hopi a acepta. E tabata duna nan tres aña pa dicidi si kier cumpra nan back. E gobierno no a haci e mesun oferta pa propiedad comercial.
Decisionnan riba si pa cumpra back casnan lo probablemente depende riba hopi factor, incluyendo cuanto nan bida a avansa na otro luga.
Kristinsson, e artesano, a bisa cu su casa a haci claro cu e no kier bolbe biba na Grindavik. Despues di a biba den e garage di nan yiu muhe pa un luna, despues den un apartamento di un primo pa seis luna, e pareha a cumpra un cas na Hafnarfjordur, 42 kilometer nort-oost di Grindavik.
Kristinsson ta bin na Grindavik pa habri su tienda y algun biaha ta pasa anochi ora e por huur na turistanan un apartamento cu el a construi riba e di dos piso. El a yama e entrada ey un liña di bida.
Pa Sigurour Enoksson, doño di 60 aña di Herastubbur Bakari, un panaderia, e decision riba si cumpra back nan cas ta un facil: No.
Mientras nan tabata discuti nan decision riba un dia reciente, Enoksson y su esposa a mustra foto di celular di e crack den e murayanan. Nan awor ta biba na Kopavogur, rond di 47 kilometer nort-oost di Grindavik.
Pero e famia lo keda compromete na e pueblo via nan panaderia, cu a celebra su di 30 aniversario recientemente. Pa sobrevivi, e negoshi a reduci personal for di 13 hende pa tres: Enoksson, su casa y un yiu.
Sa cuanto pa cos ta un desafio. Algun dia nan ta bende tur cos. Otro dia nan ta ser forsa pa regala bolo.
