Agencia di Organisacion di Nacionnan Uni pa Refugiado (Acnur) lo instala 48 vivienda pa e personanan cu nan ta yuda na distinto luga, como centronan di salud y clinicanan na Mexico, ayera dialuna e organismo a detaya.

E unidadnan aki ta conta cu panel pa haci cambernan, un porta cu yabi y un lampi cu ta duna luz pa mas o menos 6 ora.

E unidadnan di vivienda aki a wordo diseña a traves di colaboracion entre Acnur, e empresa social Better Shelter y Fundacion Ikea cu e obhetivo di sirbi como refugio autonomo, sostenibel y duradero.

“Te na e momentonan aki e unidadnan a wordo utilisa na campamentonan di refugiado na distinto parti di mundo unda ta existi e urgente necesidad di proporciona alohamento sigur y duradero pa famianan cu refugio, cu e fin di protege nan di e clima varia y salud malo”, nan a expresa.

No obstante, debi na e pandemia di Covid-19, na Mexico Acnur a ripara diferente necesidad no pa aloha e hendenan cu refugio y solicitante di asilo so, sino cu tambe pa hospitalnan, clinicanan y centronan di salud cu ta atende pashentnan cu coronavirus.

P’esey, ekipo di Acnur na Mexico a wak un oportunidad cu e unidadnan aki di ofrece espacio di alohamento adicional na diferente refugio na nort y sur di Mexico, asina como di modulo adicional na hospitalnan, clinicanan y centronan di salud.

“Den algun casonan, autoridadnan sanitario ta usa nan como consultorio adicional pa realisa pruebanan lihe, diagnostico epidemiologico of como area di triage”, nan a puntualisa.

“Na Mexico e migracion a aumenta desde october di 2018, ora varios caravana cu miles di migrante centro Americano a cuminsa drenta na e pais pa yega na Merca.

LEAVE A REPLY

Please enter your comment!
Please enter your name here