(Infobae) – Director di agencia a bisa cu lo suspende proyecto “Gateway”, cual lo a construi un stacion espacial den orbita di Luna, pa enfoca riba un cu ta permiti operacionnan sosteni riba superficie lunar.

Director di NASA a declara riba diamars cu e agencia espacial di Merca tin intencion pa suspende su proyecto pa construi un stacion espacial den orbita di Luna, conoci como “Gateway”, y cu na su luga lo enfoca riba “construccion di un base lunar”.

“E agencia tin intencion pa pausa Gateway den su forma actual y cambia enfoke pa infrastructura cu ta permiti operacionnan sosteni riba superficie di Luna”, hefe di NASA Jared Isaacman a bisa den un declaracion.

“A pesar di desafionan cu algun ekipahe existente, e agencia lo reutilisa hardware aplicabel y probecha di e compromiso cu socionan internacional pa sostene e metanan aki”.

Agencia Espacial Europeo, entre otro organisacionnan internacional, tabata un socio den proyecto Gateway.

E anuncio aki ta sigui restructuracion di programa Artemis di NASA, cu tin como meta manda astronaut Mericano back na Luna y establece un presencia permanente aya, preparando caminda pa futuro misionnan na Mars.

Suspension di e proyecto di orbita Lunar Gateway no ta completamente sorprendente: ya el a haya critica como un desperdicio di recursonan of un distraccion di otro ambicionnan lunar.

Isaacman, kende a tuma liderato di NASA fin di aña pasa, a anuncia di forma repentino menos cu un Luna pasa un restructuracion di programa Artemis, cu a sufri varios retraso den añanan reciente, cu meta di sigura e regreso di Mericanonan riba superficie lunar pa 2028.

E meta aki ta keda, pero e agencia espacial ta modificando su calendario di vuelonan pa inclui un mision di prueba prome cu un aterisahe eventual riba Luna, pa mehora experiencia di lansamento, Isaacman a indica.

E revision strategico aki ta bini memey di retraso continuo di e mision Artemis 2, cu inicialmente tabata programa pa februari pero awo ta programa pa cuminsamento di april. E mision aki lo ta e prome vuelo riba e Luna den mas cu medio siglo.

Mision Helio Swarm y desaroyo di satelitenan

Compania SFL Missions lo diseña y construi ocho satelite di 150 kilogram (Node) usando su plataforma DAUNTLESS.

E plataforma aki ta ofrece generacion di energia halto y capacidad di propulsion significativo, crucial pa e mision. SFL Missions lo integra e sistema di instrumento Helio Swarm desaroya pa Universidad di New Hampshire, hunto cu socionan di Centre National d’Etudes Spatiales, UK Space Agency y Smithsonian Astrophysical Observatory.

Despues, SFL lo prueba e nave espacial completo y sostene integracion di e satelite Node den e satelite principal (Hub).

Una bes den orbita halto di Tera, e constelacion di nuebe satelite lo bula den formacionnan compleho pa midi simultaneamente fluho di energia y structura espacial y temporal di plasma di biento solar. Tur nave lo ser opera via Deep Space Network di NASA pa telemetria, siguimento, comando y descarga di dato.

“Na SFL Missions nos ta contento di a ser scogi pa hunga un rol clave den mision Helio Swarm despues di un proceso rigoroso di seleccion”, Dr. Robert E. Zee a declara, director y CEO di SFL Missions.

“Helio Swarm ta un mision cientifico importante cu lo ofrece informacion crucial tocante interaccion dinamico entre atmosfera di e solo y Tera, incluyendo con energia turbulento ta move den nos area magnetico protector y con esaki ta impacta tecnologia te na e Luna”.

Cu un trayecto di 27 aña di exito operacional den misionnan di satelite chikito, SFL Missions ta bon posiciona pa logra metanan di e constelacion Helio Swarm.

Diseño di e satelite Node lo inclui sistemanan di propulsion moderno pa logra configuracionnan geometrico dinamico segun specificacion di mision. Nan lo usa tambe transpondedor di distancia en bes di GPS pa determina posicion, considerando blackout cerca di Luna y altitud di su orbita.

Tur ocho satelite lo ser desaroya, integra y prueba den facilidad di SFL Missions.

Compania tin un historia di 94 mision exitoso y mas cu 425 aña acumula den orbita, desaroyando nan satelite, micro satelite y satelite chikito pa aplicacionnan manera observacion di Tera, comunicacion, monitoreo ambiental, seguridad maritimo, astronomia espacial y investigacion cientifico.

Actualmente, SFL Missions ta expande su facilidad di produccion y tin 36 satelite den desaroyo of cla pa lansamento. Tambe ta ofrece un programa di Produccion Flexible pa clientenan scoge unda nan kier desaroya nan satelite.