NASA ta anuncia prome retraso di vuelo causa pa mal tempo na otro planeta

(CNET) – Vuelonan retrasa ta un hecho di bida riba Tera. Awo ta resulta cu nan tambe ta algo di Mars. NASA a bisa diaranson cu e ‘prome vuelo retrasa pa mal tempo riba otro mundo’ a afecta e schedule di actividad di helicopter Marsiano, Ingenuity.

Ingenuity a ehecuta 18 vuelo exitoso y tabata preparando pa e di 19 dia 5 di januari. Pero un tormenta di stof regional a cuminsa na inicio di januari na e Jezero Crater unda e rotorcraft ta explorando cu su rover Perseverance. E accion climatico a forsa un retraso na lo mas trempan dia 23 di januari. “Afortunadamente, Ingenuity no tin pasahero y tur su ekipahe ta ‘carry-on’, pues e consecuencia ta tiki mas cu warda pa miho clima”, e team Ingenuity a bisa den un declaracion.

E planeta cora ta notorio pa tormenta di stof. E lander InSight recientemente a bay den modo safe durante un tormenta y e rover Opportunity a yega fin di su mision pa motibo di impacto di un tormenta masivo na 2018.