(AP)—Nissan ta acelerando su cambio pa vehiculonan electrico, specialmente na Europa unda medidanan di emision ta mas streng, e compania a declara dialuna.
Nissan Motor Co. a declara cu nan lo haci tur nan ofertanan den Europa electrico of ‘series-hybrids’ pa 2026 cu 98%. Esey ta mas cu e obhetivo prome di 75%. Na Hapon, e compania ta purba di haci 58% di nan ofertanan.
Vehiculonan hybrid tin un motor di gas y electricidad, pero un series hybrid ta uza motor pa e wielnan di e vehiculo, of pa ‘powertrain’. E motor ta cende un generator pa e motor. Hybridnan paralel manera e Pruis di Toyota Motor Corp ta keda cambia entre motor di gas y motor di electricidad.
E obhetivonan di benta di Nissan pa VE y series hybrids no a cambia pa Merca cu mas di 40%. Na China, e obhetivo a baha di 40% pa 35%. Esey ta inclui VE puro so y no hybrids.
Nissan su obhetivonan no ta inclui e benta di vehiculonan pa su partnernan manera Renault SA di Francia of Mitsubishi Motor Corp., cual ta un fabricante chikito di auto Hapones.
E compania tabata un di e prome lidernan den vehiculo electrico cu su ‘Leaf’, cual a bay den benta na aña 2010. Desde e tempo ey, nan a wordo surpasa pa fabricantenan manera Tesla y BYD di China.
Nissan ta bisa oficialmente cu e compania—basa na Yokohama—tin hopi conocemento riba tecnologia di VE, specialmente riba con consumidornan ta uza e producto y ki sorto di daño por desaroya riba e bateria y tambe otro conocemento importante pa e proliferacion di vehiculonan electrico.
Nissan ta plania pa saca 19 modelo di vehiculo electrico pa 2030. Na cuminsamento di e luna aki, Nissan a declara cu e lo inverti 15% participacion den Ampere, cual ta e vehiculo electrico y entidad na Europa di software di Renault. Nissan y Renault tin basta tempo ta traha hunto riba tecnologia di vehiculonan electrico, den cual Nissan lo lidera e desaroyo di bateria ‘next-generation.’
