(CiberCuba) – “No ta importa cu e publico a prefera pa mi keda afo, pasobra mi a bisa na un manera honesto di mi y mi tabata transparente riba mi mes di e mama cu mi ta y e pitbull cu ta defende su hendenan”, asina Niurka Marcos a bisa yorando na momento cu el a keda expulsa.
E Cubana Niurka Marcos a despedi dialuna ultimo di “La Casa de los Famosos 2” despues cu el a keda elimina.
Tur comienso di siman un persona ta keda expulsa of elimina di e programa. Den e ronda aki hunto cu Niurka otro tres famoso tambe a keda nomina pa keda afo di e concurso. Ta trata aki di e modelo Dominicano, Lewis Mendoza; actriz Venezolana, Daniella Navarro y e actor Mexicano, Salvador Zervoni.
Sinembargo e publico a dicidi cu e cantante y actriz Cubana ta esun cu ta keda elimina den e ronda aki. E cadena di di television cu ta transmiti e programa na Telemundo a haci pregunta riba cuenta di Instagram, kico ta e consecuencia su salida lo ocasiona?
E eliminacion di Niurka Marcos no a sorprende mucho persona, asina por conclui cu e actriz a gana e rechaso di parti di e publico y di algun di su compañeronan den “La Casa de los Famosos 2” door di su polemicanan.
Hasta riba Twitter su eliminacion a haya un tendencia di hashtag # fueraniuraniurka y e comentarionan di Instagram pa Telemundo e publico a sostene e decision cu nan a tuma. Di e manera aki tur e otronan cu a keda den “La Casa de los Famosos 2 ” ta siña cu e publico ta esun cu ta manda, ningun hende no ta intocabel. Hopi persona a comenta y gradici Telemundo pa duna balor na nan voto.
Tambe otro fanaticonan ta reacciona cu door di e salida di Niurka e miho di e reality a caba. Niurka a despedi entre lagrima di “La Casa de los Famosos 2”
