No ta descarta cu na Aruba tambe ta bende aros di plastic

Riba medianan social pa varios luna caba tin algun video ta pasando rond, cu ta parce unda cu fabricanan di aros ta hinca plastic den e proceso. Tene cuidou pasobra hopi di e videonan aki por ta falso pero, tin un berdad tras di tur esaki.

Nos a papia cu Yvette Geerman di departamento di higiena acerca di e tema aki y a bisa cu nan  di salubridad publico ta na altura di e fenomeno aki. Productonan cu ta drenta Aruba ta pasa un test na entre otro USCA na Merca. Aunke toch semper por core risico paso cu Aruba tin un economia habri y tin cierto caminda cu tin chens cu por logra drenta. Si mester haya algun informacion cu esaki por ta e caso akinan, lo mester laga haci un investigacion den laboratorio pa verifica. Sra. Geerman ta sigura cu locual ta drenta aki na Aruba ta wordo aproba prome pero no ta descarta e posibilidad cu e aros artificial por drenta Aruba mirando cu nos tin un mercado liber, y cu salubridad publico semper ta atento y lo keda atento.

Reportahenan
Un reportahe di The Korea Times ta bisa cu e aros aki ta wordo traha for di un mix di batata, batata dushi, y resina artificial. Segun otro reportahe nan esaki ta wordo haci pa pone volumen na e cantidad di aros cu ta bay den e saco na final. Luga nan na unda cu a haya keho di e misterioso aros artificial aki ta na diferente parti nan na China principalmente y tambe na India y Vietnam. Tur caminda tin un debate grandi ariba esaki, ya cu hopi ta di opinion cu creando aros di e manera aki lo sali mas caro cu hacie di e manera normal, otronan ta net lo contrario y cu al final ta depende di e pais na unda e ta wordo traha.

Abo por test e bo mes
Tin algun manera cu bo por haci un test simpel pa sa si por tin aros artificial na bo cas. Por ehempel, benta un tiki aros curu den zeta cayente y si e cuminsa smelt y pega na otro e ta artificial. Otro manera ta si bo pone un tiki aros curu den awa y draai e pa algun seconde, locual cu ta artificial lo flota bin ariba ya cu aros automaticamente ta zink den awa.

 

You May Also Like

“Nos Rubianonan ta hopi creativo den pensamento”

El a bay y el a bin bek. Den e entrevista aki, Philip Chirino ...

Colombianonan na Aruba a vota den incertidumbre entre ‘derecha y izquierda’

Ayera, cantidad di Colombiano residencia na Aruba ta probechando e delaster dia di eleccion ...

Prijs di cuminda na Aruba mas faborabel compara cu islanan den region

Segun un rapport di Ecorys (Departamento di investigacion y consulta Hulandes) prijsnan di cuminda ...

23Jun, JO, Bubali.JPG

Naturalesa den corte pa di dos biaha relaciona cu caso di Bubali Plas

Diaranson mainta a tuma luga e di dos caso den corte di Aruba relaciona ...

Hoben scout cambiando mentalidad riba uzo di plastic diario

Ayera mainta a tuma luga un actividad di Arubaans Padvinsters Gilde, como parti di ...

‘Ta cua cashi e Dreamers tin cu bay aden?’

Que vaina. Un otro ‘sorpresa’ den e aventura di burocracia cu ta mi bida na Aruba. Despues ...