(NLTimes) – Aproximadamente 105 solicitante di asilo a bolbe na centro di recepcion na Ter Apel pa 8:40 di mainta diadomingo, despues di pasa anochi den un refugio temporal na centro di conferencia Hanze Plasa riba Protonstraat na Groningen, RTV Noord ta reporta. Dos bus a transporta nan despues di 9or di anochi debi na sobrepoblacion severo na e facilidad di recepcion na Ter Apel.
Situacion na Ter Apel ta keda tenso desde diaranson, ora autoridadnan a stop di admiti tur hende debi na falta di espacio. Cruz Cora a describi situacion como “inhumano,” segun NOS.
Prioridad ta ser duna na solicitantenan di asilo considera como esnan mas vulnerabel, mientras cu otronan ta keda warda pafo. Diahuebs anochi, un reportero di ANP a observa centenares di solicitante di asilo obliga pa pasa tur nan tempo riba yerba pafo di centro di recepcion debi na sobrepoblacion grave.
E refugio na Hanze Plasa a keda prepara diasabra atardi cu 175 cama y lo keda disponibel te dialuna. E facilidad a ser designa despues di un peticion di minister di Asilo, Bart van den Brink, kende a keda ricibi pa alcalde di Groningen, Roelien Kamminga.
Durante anochinan anterior, personanan cu no por a ser acomoda na Ter Apel a keda transporta pa municipalidadnan cercano, incluyendo Gieten y Stadskanaal, pa refugio temporal.
