E Final di Campeonato Balashi 2019 a wordo hunga entre e ekipo nan Noord Stars Pizza Hut DT & X-treme DT pa e titulo di Campeon y Ottley’s Strikers DT & Old Parr DT pa luganan 3 y 4 den un serie ‘best out of three’ den ambos confrontacion.

Noord Stars Pizza Hut DT – X-treme DT.
E Campeonnan di 2018, Noord Stars Pizza Hut DT a bin determina pa defende nan titulo di campeon, pero X-treme DT no a coopera. Ariba e prome dia di wega X-treme DT a yega den forsa completo y a otorga Noord Stars Pizza Hut DT un derota sin misericordia.

Pero Noord Stars Pizza Hut DT no ta e Campeon por nada y den e 3 mesa nan cu a resta Noord Stars Pizza Hut DT a demostra su superioridad pa gana tur 3 mesa pa asina gana e wega 13 pa 12 y asina forsa un wega decisivo diadomingo.

Noord Stars Pizza Hut DT a gana 3 mesa den tanda 4 (banda di e 3 mesa nan ey X-treme DT a bin gana 1 mesa tambe) pa asina gana e wega 13 pa 6 y cu esaki retene su titulo maximo di Campeon.

Ottley’s Strikers DT – Old Parr DT.
E serie entre Ottley’s Strikers DT & Old Parr DT no a trece locual analista nan di Domino a spera. Old Parr DT facil a gana e serie den dos wega conkistando asina e trofeo di luga number 3. Diabierna Old Parr DT a gana 13 – 6 y Diasabra 13 pa 9. Hopi a pensa cu si Old Parr DT a bin den e forma ey un siman anterior un otro gai lo a canta. Si mira e wega nan no por bisa cu Ottley’s Strikers DT a bin debil, ta Old Parr DT a bin superior.

Cu e resultadonan aki, e prome 4 luganan di campeonato 2019 (despues di confrontacion nan den Play Off y Final) ta:

Noord Stars Pizza Hut DT

X-treme DT

Old Parr DT

Ottley’s Strikers DT