Number di telefon special pa notifica violencia domestico

Magaly Maduro, coordinador di Fundacion pa Hende Muhe den Dificultad ta informa cu nan ta dialogando cu Setar pa haya un number di telefon di tres cifra unda lo por entrega keho di violencia domestico.

Ayera den un encuentro cu varios instancia y fundacionnan, a dialoga riba un manera nobo pa cuminsa combati violencia domestico.

“Despues di 21 aña nos a ripara cu e victimanan di violencia domestico no ta haya e ayudo cu mester, manera cu e tin mester anto na e momento cu e tin mester. Nos ta asina leu aworaki cu nos tin cifranan cu ta mustra cu si bo uni cu otro instancianan den e manera aki cu bo ta haci miho resultado,” sra. Maduro ta splica Bon Dia Aruba.

Ayera mainta Fundacion pa Hende Muhe den Dificultad a organisa un evento unda a invita varios instancia y fundacionnan cu tin di haber cu hende muhe. A tene un mainta informativo riba un team multi disciplinario pa interveni y asina atende cu cualkier persona, sea muhe of homber, cu ta haya su mes den un situacion di violencia domestico. E plan ta pa esaki bira un cooperacion nacional entre instancianan manera Departamento di Asuntonan Social,  Slachtofferhulp, fundacionnan y mas partidonan pa combati e fenomeno di violencia domestico.

Team special
Nora Eleonora, facilitado di Instituto Pedagogico Arubano (IPA) tambe tabata presente ayera den e encuentro aki. “Nos a invita tur hende cu ta sirbi comunidad y nos organisacionnan social cu ta trata cu violencia domestico, pa delibera cu nan over di e team cu nos ta pensa por yuda e persona cu ta bira victima al instante.”

E ta sigui bisa: “Akinan bo ta haya e ora e abogado, e polis y hendenan di fundacion, profesionalnan, como tambe boluntarionan cu a sobrevivi violencia domestico anto sa e dolor di e persona. E boluntario tambe ta yuda na duna e persona un man na e momento ey sea ta hende muhe, yiunan of esunnan cu a haci e dolor, nos ta bay guia tur. Trahando hunto, esaki nos kier logra cu e team aki.”

Terapista na Departamento di Asunto Social, Enid de Kort tambe a comenta. “Mi ta haya cu esaki ta un iniciativa fantastico. A bira tempo pa nos pone den otro kico ta e miho manera pa yuda hende muhenan cu ta victima di abuso.” Sra. de Kort ta sigui bisa cu tin hopi buraco den instancianan y e opvang di hendenan cu ta pasa den violencia domestico. “Aworaki e iniciativa ta, con nos ta bay forma protocolnan pa nos por bay traha hopi mas cerca di otro cu e victimanan no mester pasa den porta extra traumanan.”

You May Also Like

249A7873.JPG

Ultimo informe: Animalnan exotico ta den bon condicion y bon cuida

  Relato di Prensa di Departamento di Salud Publico: Semper Departamento di Salud Publico ...

zika.jpg

“No mester tin miedo pa bishita Republica Dominicana pa menasa di Zika”

Organisacion Mundial di Salud (OMS)a bati alarma pa tur hende tene cuido cu e ...

15AlexPieters.jpg

Sticker di impuesto mal poni ta motibo suficiente pa haya boet

E aña aki ya a pasa 6 luna cu autonan mester tin sticker di ...

Contra conseho DIP y DOW: 7 tereno den saliña na Malmokweg otorga

7 tereno den saliña cu ta area proteha (wetlands) y asina destina den ley ...

vegetarian1.jpg

Cuminda vegetariano y saludabel ta hayando mas aceptacion na Aruba

Cuminda vegetariano y saludabel ta un concepto cu ta hayando cada dia mas  forsa ...

Atraco supermercado You Kang

Atraco arma supermercado You Kan

Diaranson anochi algo prome cu 10’or di anochi un atraco arma a tuma luga ...