Autoridad ta bolbe pidi yudansa di pueblo, en conexion cu e caso di asesinato cu a tuma luga dia prome di januari 2018, alrededor di 00.40’or, riba e luga di staciona auto di antes “Veneto Casino Beach Resort”, situa riba Pater Eeuwensweg. E recompensa di 5 mil a ser aumenta na 10 mil pa e tip di oro den e caso aki.
Riba e dia aki e homber Tayler Zuhayr de Lima, naci na Corsou dia prome di januari 1998 a bin perde su bida, debi na tironan cu el a ricibi for di arma di candela. E dia ey a bin topa cu e curpa sin bida di e victima banda di un SUV net riba e luga pa staciona auto cu tabata keda pariba di e restaurant Denny’s cu tabata keda pega cu hotel Veneto.
Te na e momentonan aki e investigacion ta keto bay tumando luga y den e afan pa yega na un solucion di e caso, Ministerio Publico a hisa e montante di recompensa di cinco mil pa dies mil florin antiano, pa esun cu por duna e tip cu por hiba na claridad y solucion di e caso di asesinato aki.
Pa duna tip riba e caso aki, por yama e number anonimo di polis
