Un biaha mas e Leonnan di One Happy Island Lions Club ta organisa e coleccion di productonan alimenticio, higienico y personal pa yuda famianan den necesidad. Nos ta invita comunidad di Aruba pa yuda nos colecta comestibel y donacionnan pa famianan cu tin menos recurso durante e temporada di fiesta.
E coleccion aki lo tuma luga diasabra dia 6 di december y diasabra dia 13 di december for di 10:00 AM – 1:00 PM. Pasa na Centro Kibrahacha na Piedra Plat y haci bo donacion.
Bo por duna:
– Cuminda seco / comestibel (aros, hariña, cumindanan den bleki, blek’i sopi, cereal, pasta, lechi, buscuchi, juice…etc.)
– Producto personal &higienico (desodorante, shampoo, habon, pasta di djente, q-tipos…..etc.)
– Productonan basico pa hogar (desinfectante, papel di W.C., detergente, producto pa laba tayo…etc.)
– Regalonan pa muchanan
– Cualkier otro tipo di apoyo pa famianan
E meta di e proyecto aki ta pa yuda combati hamber durante e dianan di fiesta, cu e donacionnan ricibi lo prepara macutu di cuminda pa famianan cu ta pasa den situacion dificil. Bo donacion ta yega directo na un mesa di un famia cu tin mester. Un invitacion na comunidad y comercio pa forma parti di e gesto di bondad aki, cada acto ta yuda cambia un bida di un famia den necesidad.
Pa mas informacion por bishita nos pagina di Facebook pa mas informacion: Aruba One Happy Island Lions Club.
Tambe tin e oportunidad pa cumpra e rifa di Harley Davidson.
