Operativo di seguridad a haya 11 cadaver na Mexico

Ocho cadaver tabata den interior di un truck y tres curpa riba e porta. E curpanan di 11 persona a ser haya, diamars cerca di mei anochi na municipio di Boca del Río, na Veracruz, despues cu gobierno Mexicano a anuncia un operativo contra crimen organisa na e zona ey, autoridad a informa.

Reporte di polis a informa cu nan a mira cu tur curpa tabata presenta seña di tortura, y un mensahe caminda nan tabata adverti cu: “ si nan kier guera, anto guera lo bay tin”. Di 11 curpa, 9 di nan tabata homber y dos di nan muhe. Nan a ser haya despues cu autoridad federal y estatal a anuncia e comienso di un operativo special contra delincuencia organisa, na 9 municipio di region central, pa asina logra cierto obhetivo bon determina caba.

E curpanan a ser bandona riba caya di Paseo Puerto Bandera, na bario Graciano Sánchez, na municipio Boca del Río. E auto tabata riba skina di un scol secundario federal di Mexico, y ta pesey bisiña di e lugar a detecta e situacion rapidamente y a avisa autoridadnan. Secretario di gobernacion di Mexico, Miguel Angel Osorio Chong a informa cu miembro di gendarmeria nacional y ehercito Mexicano a haci un operativo special riba nuebe municipio, caminda tin mey miyon di habitante ta biba. Funcionario di polis federal a anuncia un operativo na municipio di Ciudad Mendoza, Nogales, Río Blanco, Fortín, Córdoba, Amatlán, Cuitlahuac, Yanga y Omelaca.

“Nos tin tur obhetivo hopi cla, nos sa ken ta nan, y nos lo bay pa nan, pa tur cos cu nan ta representa hunto cu otro integrantenan di mesun banda”, Osorio Chong a bisa.

You May Also Like

Interes di empresanan internacional pa tuma refineria over

WILLEMSTAD – Prome minister Eugene Rhuggenaath a indica durante di un conferencia di prensa, cu ...

Colombia: Duque ta pidi China reconsidera apoyo na Maduro

Presidente di Colombia, Ivan Duque, a pidi China diahuebs pasa pa reconsidera su respaldo ...

Trinidad & Tobago ta lidia cu problema di refugiado Venezolano

Mientras Venezuela ta continua cu su crisis politico y socio-economico, e nacion di dos ...

Polis a tira riba manifestantenan durante protesta na Brasil

Un video ta mustra varios efectivo di polis di Brasil na momento cu nan ...

Dudanan ta circula cripto moneda Venezolano Petro

Segun fuente You, Me, and BTC, e whitepaper tras di e moneda criptografico Petro ...