Oposicion malcontento cu no a haya copia di leynan Citgo

OPOSICON MEP.JPG

E fraccionnan den parlamento tin  dos dia pa pasa den tur e documentonan concerniendo e refineria y e acuerdonan cu Citgo y Valero. E oposicion tambe ta mal contento cu no por haya un copia pa nan studia y asina yega na e deadline di diahuebs awor pa entrega preguntanan na escrito.

 

Mas presion tin ora di lesa e relato di e presidente di parlamento, Mervin Wyatt Ras cu ta indica cu parlamento ta duna ‘prioridad halto na tratamento di e ley Citgo’. El  ta bisa cu el a presenta alabes su intencion pa por trata e ley den reunion publico dialuna awor dia. Esaki e presidente a haci durante e reunion Seniorenconvent cu el a yama urgentemente momento cu e ley a yega na parlamento. E Seniorenconvent ta un reunion entre e lidernan di e fraccionnan den parlamento.

 

Partidonan di oposicion MEP y AVP a mustra nan mal contento riba e echo cu nan no mag di haya un copia di documentonan. Y cu nan por wak nan so bou supervision di gobierno. Nan a exigi pa haya copia, sinembargo.  Presidente di parlamento a nota esaki y ta laga sa cu el a manda un carta pa gobierno cu e peticion pa e fraccionnan por haya e documentonan pa asina prepara pa tratamento di ley.

 

Gobierno a entrega e ley y e documentonan dialuna na parlamento. Lider di MEP ta comenta:

 “Durante oranan di mainta e documentonan tabata ter inzage pero bou vigilancia di coordinadornan di Gobierno kendenan tabata cambia turno pa asina sinta controla e parlamentarionan. Esaki ta trece e duda cun’e cu Gabinete Eman tin algo di sconde den e contractonan aki.”

 

E ta bisa cu mester studia mas cu 2000 pagina den dos dia pa prepara pa e reunion di diahuebs unda mester entrega e preguntanan na escrito pa gobierno.

“Mirando cu e ‘deadline’ ta dia prome di october, y cu Fraccion di AVP no a duna ningun motibo valido pa tene e reunion aki na un manera asina relampago, mi a sugeri pa e fecha wordo hala te cu otro siman pa asina nos haya mas tempo pa prepara nos mes miho riba e ley aki’, sra. Wever-Croes ta bisa.

 

Riba pagina 4 y 5 den e edicion aki Bon Dia Aruba tambe ta elabora riba e mal situacion na PDVSA, como doño di Citgo, y e consecuencianan sea insiguridad pa reapertura di e refineria na Aruba.

 

You May Also Like

Gobierno kier bin cu un otro centro medico

Dos dokter extra pa alivia sala emergencia Minister di Salud Publico a anuncia cu ...

Compania Urirama no tabatin contracto pa traha molina

Consecuencia financiero improbabel Aunke gobierno a trek bek durante proceso pa establece un parke ...

Ambiente di panico al estilo ‘Armageddon’ crea rond di crisisheffing

Minister Xiomara Ruiz- Maduro (MEP) ta haya cu den cuadro di introduccion di e ...

insel.jpg

Problema cu vuelonan di Insel no ta solucionando

 No ta pasa un dia sin cu por lesa un cantidad di keho den ...

Inspectie Volksgezondheid Aruba a cera practica ilegal di dentista

ORANJESTAD – Diabierna ultimo Inspectie Volksgezondheid Aruba (IVA) a haci un bishita di inspeccion ...

Aruba na Hulanda pa negosha normanan financiero

Actualmente un delegacion di gobierno, pero di parlamentarionan tambe a bay Hulanda pa purba ...