Orden di Abogado di Aruba a publica un recado di prensa, den cual ta sugeri pa bin cu un Codigo di Conducta pa periodista, mirando desaroyo di e situacion di medionan di comunicacion na Aruba. E texto original tabata na Hulandes, pero mirando e interes y importancia, redaccion di Bon Dia Aruba a percura pa un traduccion na Papiamento).

Orden di Abogado di Aruba a constata cu tin cambio a tuma lugar, di periodismo clasico, unda noticia principalmente ta ser treci pa publico den forma descriptivo y den imprenta, pa un periodismo mas moderno digital, cu mas tanto material audiovisual.

Noticia, e nomber ta bisa esey caba, ta solamente noticia si ta trata di hecho nobo. Un periodista pesey kier ta e promer pa bin cu e noticia y pa publica esaki mas liher posible (online). Orden di Abogado ta haya importante sin embargo pa indica cu den e pura ey no mester ignora e evaluacion di interes cu reporteronan mester haci den e manera di publica.

Den caso di reportahe hopi biaha tin dos interes diferente envolvi. Esey ta di un banda e interes di prensa den libertad di prensa (libertad di expresion di opinion), manera contempla den articulo I.12 di Constitucion di Aruba y den articulo 10 di Tratado Europeo di Proteccion di Derecho Humano y Libertadnan Fundamental (ÔÇśEVRMÔÇÖ). Y di otro banda e interes di e persona cu ta suheto di e reportahe, den respet pa su derecho di su bida priva y familiar manera entre otro contempla den articulo I.16 di Constitucion di Aruba y articulo 8 EVRM. Pensa por ehemplo riba persona cu ta sospecha di comete un delito o infraccion, causante y/o victima di un accidente y famia den caso di un fayecimento.

Punto di salida ta cu ambos derecho tin e mesun peso y cu ambos mester respeta. Pero, si ta trata di un conflicto entre e dos derechonan fundamental, anto mester haci un evaluacion di interes. Den hurisprudencia ta tuma na cuenta un serie di criterio den haci e evaluacion di interes.

Primeramente mester wak e grado den cual un potret o publicacion ta contribui na un debate publico tocante un topico di interes general. Na di dos lugar e papel o funcion di e persona envolvi y e caracter di e actividadnan di cual ta reporta, ta di importancia. Un persona publico menos liher ta reclama un proteccion completo di su bida priva cu un persona no publico. Pero tambe den caso di un persona publico esey ta haya su limite ora e material visual o di texto tin exclusivamente relacion cu e bida priva di e persona envolvi y tin como unico meta satisface curiosidad di e publico. Na di tres lugar e comportamento anterior di e persona envolvi ta importante, por ehemplo si esaki mes a busca e publicidad, anto esey por ta un factor cu ta hunga un papel den e evaluacion.

Como di cuatro punto mester tene cuenta cu e manera di publica y e alcance di divulgacion di e material di imagen o texto. Riba medionan social e alcance di divulgacion a traves di e posibilidad di comparti un mensahe por ehemplo ta grandi, loke ta obliga pa tin extra cautela. Y como ultimo ta importante si e material visual a ser graba di un manera abierto o scondi.

Un huez por lo tanto ta aplica un prueba di ÔÇśnecesidad y proporcionalidadÔÇÖ y ta wak si e reportero tabatin tambe otro medio na su disposicion na lugar di trece e persona envolvi completamente reconocible na vista, di tal manera cu no ta afecta e contundencia di e publicacion y den menor grado ta viola e derecho di proteccion di bida priva.

Hopi mas biaha cu ta realiza esaki publicacion di material visual no elabora (live) no ta necesario pa e contundencia di e noticia. Den caso cu e necesidad ey ta ausente, anto un publicacion asina rapidamente ta ser considera como no proporcional na e meta busca cu esey, esta informacion na publico.

Den caso di un accidente di trafico por ehemplo por limita esey na descripcion di e accidente, e da├▒o na e autonan y e caracter di e lesion, sin cu mester zoom in mas cerca posible riba e victima, pa proteccion di su bida priva.

Den caso cu e manera di publica no ta cumpli cu e prueba di necesidad y proporcionalidad y pa via di esaki ta haci un infraccion no hustifica den ambiente di bida priva di e persona envolvi den e reporte, anto e publicacion ey ta ilegitimo y e persona ey por reclama da├▒o y perhuicio (inmaterial).

Orden di Abogado a establece regla di conducta pa abogado, pasobra ta desea di expresa e etica conteni den esey y pasobra esey ta beneficia e confianza den su gremio profesional. Pa motibo similar e asociacion Hulandes di Periodista (Nederlandse Vereniging van Journalisten) a adopta e Codigo pa Periodismo.

Esaki ta contene por ehemplo cu:

ÔÇť18. E periodista lo no afecta e privacidad di persona mas leu cu ta necesario den cuadro di noticia transparente.

19. E periodista ta respeta privacidad di victima, famia di fayecido, pacient pero tambe di sospechoso y actor di crimen, evitando cu esnan envolvi ta generalmente reconocible den e reporte den tur e casonan unda e personanan ey lo encontra un desbentaha desproporcional di ta reconocible y asina leu cu evita di ta reconocible no ta en pugna cu e interes di un reportahe adecuado.

20. E periodista no ta publica texto o potret y no ta transmiti grabacion di audio o imagen di persona traha den situacion di privacidad sin permiso di e persona envolvi, a menos cu e publicacion ey ta sirbi un interes social grandi.

Di e manera aki a mustra di ta consciente cu e trabao importante di un periodista tambe ta trece cune cierto responsabilidad y obligacion, pa via di e impacto potencialmente grandi di nan reporte. Orden di Abogado lo aplaudi si implementa un tal Codigo na Aruba tambe. Esey lo duna tur hende mas seguridad.

LEAVE A REPLY

Please enter your comment!
Please enter your name here