Awe tardi un otro atraco a tuma luga riba joyeria Little Europe unda tres homber a bay cu un gran cantidad di joyanan. Nan a dal e doño den su cabes cu un obheto duro, segun polis. Tambe e atracadonan a mara un di e empleadonan. Tabatin cuater trahado den e tienda momento di atraco.
Nan a huy den un pickup Nissan dobel cabina shinishi cu den oranan di mainta a wordo horta. Patruya di St. Cruz a topa cu e vehiculo un rato despues na altura di veld di Aruba Juniors. El a wordo confisca pa mas investigacion.
E tres homber tin cuero bruin. E prome tabata bisti un short y T-shirt shinishi. E di dos un jogging pants y T-shirt y ta u poco gordo. E di tres atracado tin postura normal y tabata bisti un T-shirt preto, asina e polis ta informa te awor. Nan no tabatin nan cara tapa y nan ta papia Spaño.
