Diaranson merdia a surgi un otro caso lamentable di un turista cu supuestamente a bira malo na beach y a fayece na e sitio.
Manera a reporta den otro medio di comunicacion, e caso aki a tuma luga na Palm Beach cerca di warda di polis. Bon Dia Aruba a acera vocero di KPA, Liliana Rasmijn pa mas informacion tocante e suceso, unda e vocero a splica cu Central di polis a ser notifica cu personal di AMB tabata bezig cu CPR na Riu Antillas.
Aki ta trata di un turista Mericano masculino di 63 aña cu lo a sali for di lama, cay sinta na e beach y a bira malo.
Bon Dia Aruba ta manda palabranan di condolencia pa e famia di e fayecido.
