Otro mucha di Guatemala morto den custodia di Border Protection

U.S. Customs and Border Protection a ordena control medico pa cada mucha cu ta den nan custodia, despues cu un mucha homber Guatemalteco di ocho aña a fayece na man di e agencia recientemente.

E morto a sucede durante un disputa actual tocante siguridad na frontera y cu un shutdown parcial di gobernacion, consecuencia di e insistencia di presidente Trump cu e presupuesto mester inclui mas di 5 biyon dollar cu e ta desea pa por construi un muraya na frontera cu Mexico.

E mucha, identifica como Felipe Gomez Alonzo pa autoridadnan Guatemalteco, tabatin bao custodia di CBP hunto cu su tata, Agustin Gomez, desde dia 18 di december. CBP a bisa den un declaracion diamars pasa cu un agente prome a nota cu e mucha tabatin un tos y mirada inusual  pa mas o menos 9am dialuna. El a keda hospitalisa dos biaha y finalmente a muri net prome cu mey anochi.

CBP a bisa den e declaracion cu nan mester di ayudo di otro entidad gubernamental pa por provee cuido medico. E agencia ta “considerando opcion di busca creciente asistencia medico” di Coast Guard y por pidi ayudo tambe di Departamento di Salud y Servicionan Humanitario, di departamento di Defensa y di Agencia Federal di Maneho di Emergencia(FEMA).

Un vocero di CBP no por a contesta inmediatamente pregunta cuanto mucha den custodia di e agencia, pero cu mas hende crusando frontera tur luna, CBP ta procesando miles di mucha, tanto nan so como cu nan mayornan.

CBP a haya critica fuerte di gruponan di derecho humano y grupo cu ta boga pa un maneho mas humano na frontera despues di morto di Felipe, mientras cu e curpa di  e prome victima, Jakelin Caal, a ser hiba na su luga di biba na Guatemala pa entiero.

You May Also Like

Muhe prohibi di drenta parkenan nacional na Merca despues di daña piedranan protegi

Un muhe a wordo prohibi di drenta parkenan nacional rond di Merca despues cu ...

5635470cc3618812668b45a9.jpg

Egypto a detene 2 trahado di aeropuerto relaciona cu avion Rusiano cu a cay

Sharm al-Sheikh – Autoridadnan na Egypte a detene dos empleado di aeropuerto Sharm al-Sheikh pa ...

AP_2304728189943.jpg

EU: posibilidad grandi cu pa fin di 2016 lo yega 3 miyon migrante mas

Mas cu 700,000 hende a yega Europa e aña aki buscando manera di biba ...

IMAGEN-16770577-2.jpg

Polis por detene tur ciudadano cu ta cana cu hopi biyete di 100 bolivar

Vice Ministro di Polis di Venezuela, Edylberto José Molina, a ordena diadomingo cu a ...

Aruba ta #1 den lista di beachnan pa evita

Pagina popular di turismo Oyster.com a publica un articulo riba siete beach cu bo ...