(AP) Travis Scott su presentacionnan y conciertonan di energia halto tin un reputacion di ta caotico y di hopi energia, cu personanan presente na e concierto tumando parti den varios actonan conoci como “mosh pit,” “crowd surfing,” y “stage diving.” Riba diabierna anochi, algo a bay fout.

Por lo menos 8 persona, entre e edad di 14 y 27 aña, a fayece na momento cu tur e personanan den e publico a pusha contra otro diripiente na e rapper, ken ta nomina pa Grammy su Astroworld Festival cual a tuma luga na Houston. Un cantidad di mas o menos 50,000 persona cu a atende a cuminsa pusha den direccion di e escenario na NRG Park mientras cu un holoshi tabata marca e conteo pa e comienso di e presentacion prome cu e escena caotico a cuminsa gara forsa.

Hendenan den e audiencia a reporta hopi pushamento y halamento durante e presentacionnan prome cu esun di Scot, cual ta normal na su conciertonan. Den varios ocasion el a encurasha e fanaticonan pa ignora siguridad y core bay cerca di e escenario, pero ningun di e situacionnan anterior a resulta den fayecimento.

“Travis Scott su imagen ta di rebelion,” hefe di redaccion di HipHopDX Trent Clark a bisa, ken a bay varios diferente concierto di Scott. “E shownan tin hopi rabia. Cu e morto di punk rock, hiphop a adopta e generacion nobo di ‘moshpit’. E ta algo hopi comun pa mira audiencia pusha otro den rabia of comportamento salvahe na un show di Travis Scott.”

Scott ta un rapper nomina 8 biaha y actualmente ta un di e celebridadnan hoben mas grandi. E musico basa na Houston a funda su festival den aña 2018 prome cu e album di “Astroworld,” cual a genera su fama danki na e cantica “Sicko Mode.” Tambe e tin un yiu muhe di 3 aña cu Kylie Jenner, ken a anuncia den september cu e ta na estado cu nan di dos yiu.

Sin importando unda e investigacion yega, tragedianan manera esun na Astroworld Festival tin hopi tempo caba ta tuma luga. Den ana 1979, 11 persona a fayece den un incidente similar na Cincinnati, Ohio, durante un concierto di The Who. Na un stadion di futbol na England, pushamento den audiencia di 1989 a causa casi 100 morto. Den aña 2015, un encuentro entre 2 publico na e celebracion annual hajj na Saudi Arabia a causa mas di 2,400 morto, basa na reportahenan haci pa Associated Press den medio y comentarionan di oficialnan.

Den aña 2017, Scott a keda deteni pa motibo cu el a encurasha fanaticonan pa ignora siguridad y cuminsa pusha bay dilanti na e escenario, lagando un empleado di siguridad, un miembro di cuerpo policial y varios otro herida durante un concierto na Arkansas. Den un incidente separa, el a keda sentencia na un aña di supervision di corte despues di a declara su mes culpabel pa cu cargonan di mal conducta relaciona cu un incidente na Chicago durante e Lollapalooza Music Festival.

Na e tempo ey, oficialnan di Chicago a bisa Scott a encurasha fanatico pa bula baricada. Aunke, ningun hende a keda herida.

“Den termino di energia, e kier pa e energia cu e ta dunando su publico ser duna na su persona,” segun Julian Kimble, ken a skirbi un reviso di e concierto di Scott su presentacion na Astroword den aña 2018 pa The Washington Post. El a yama e rapper un di e presentadornan mas electrico cu el a yega di mira.

“Mi a mira su persona bisa e fanaticonan ‘No tende di security. Lubida di security. Esaki ta pa boso. Esaki ta pa mi fanatico,’” el a continua. “Tocante loke a pasa ayera anochi, esey ta un ehempel di con cosnan por bay fout. Tabatin hopi negligencia den tur hende envolvi. Mi no ta kere cu tin hende malo, ni un persona cu tin tur e culpa. E ta un fracaso structural.”

Shachtman a bisa e ta spera cu e tragedia aki lo yuda pa Scott cambia e manera cu e ta maneha su shownan. E ta disfruta di e rapper su presentacionnan pero kier mira un atmosfera mas sigur unda cu hende por sigui pasa pret, specialmente pa esunnan cu kier experiencia un show cu ta pa tur hende disfruta di dje.

“Mi ta spera cu nan lo aumenta e medidanan pa sigura cu e personanan cu ta bay concierto pasa un bon rato, pero tambe haci esaki sin mester fayece,” Shachtman, ken a crece den e escena di e genero musical punk rock di New York. El a conta e ta hopi familiar cu ‘mosh pit’ pero cu tin un gran diferencia entre mosh pit y un situacion unda cu bo bida ta den peliger.”

Scott ta den plan di haci un presentacion na Day N Vegas Festival otro weekend. Pero cualkier presentacion involucrando Scott lo por ricibi critica pa problemanan di control di audiencia.

“Promotornan di concierto ta paga miles di dollar pa siguridad den sea evento publico of priva,” Slachtman a bisa. “Esaki mester ser usa adecuadamente. Sino nos lo tin un otro di e incidentenan aki.”

1 COMMENT

  1. Sorry pero no tabata mosh pit a wordo haci dia di e concierto. Tin algun video ta mustra con un mucha homber ta bezig ta bati gewoon riba e vloer y hende ta grita e cantante pa bise stop e ta djis sigi canta bay y después tin un otro video unda e ta bezig ta mirando directamente na e guy cu tabata bati riba vloer y sigi canta gewoon asina, tambe tin video unda un mucha muhe y un guy ta bisando e meneer cu ta filmando e concierto cu hende ta dying y e no ta ni worry y ta djis pidi nan pa baha. Tin asta video di un persona cu a bay e concierto aplicando loke e a wak pasa durante e concierto mes

LEAVE A REPLY

Please enter your comment!
Please enter your name here