PAHO ta adverti pa peligro di dengue den region

Pan American Health Organization (PAHO), estableci na Washington, Estadonan Uni, a emiti un advertencia pa continente Americano pa prepara na tempo pa un posible brote di dengue. E enfermedad ta endemico den e region y desde su re-introduccion den añanan 80, a conoce brote ciclico y epidemia cada tres pa cinco aña.

E prome epidemia di dengue cu mas di un miyon caso a sucede den e region na 2010. Tres aña despues, na 2013, e prome epidemia cu mas di dos miyon caso a tuma lugar. Na inicio di 2019, tabatin un aumento odi casom compara cu e mesun periodo di 2018.

Segun dr. Marcos Espinal, director di e departamento di Enfermedad Transmisible y Determinante Ambiental di Salud di PAHO, dengue ta un infecion viral transmiti pa sangura y ta presente riba henter e continente.

“Su complehidad a aumenta durante e añanan debi na varios factor manera crecemento urbano no planifica, problema di awa y sanidad, cambio di clima y den cierto pais, e circulacion simultaneo di tur cuatro tipo di dengue, loke ta aumenta e riesgo di caso y brote serio,” segun Espinal.

Di acuerdo cu e ultimo update epidemiologico di PAHO encuanto dengue, publica dia 22 di februari recien pasa, a reporta 560.586 caso di dengue den henter America, incluyendo 3535 caso severo di dengue y 336 morto. Durante e prome seis siman di 2019 a reporta casi 100.000 caso di dengue, incluyendo 632 caso di dengue severo y 28 morto.

 

You May Also Like

imsan

‘Departamento di Salud investigando caso pashent cu a muri riba parkeerplaats Imsan

 Departamento di Salud Publico ta investigando e caso di e homber A.P. cu a ...

Cruz Cora a celebra 60 aña aniversario cu un ‘Health Day’ gratis pa comunidad

En conexion cu 60 aña di celebracion di Cruz Cora Aruba, Desaster Action Team ...

Sugerencianan di psikiatra Enahoro ta incorecto

Ministerio Publico (OM) a tuma nota di e declaracionnan cu e psikiatra Rita Zecher ...

Hotelnan lo ta ricibiendo cobransa di impuesto estilo pre-pago

Durante e ultimo dianan aki Bon Dia Aruba a haya informacion di diferente fuente ...

Warning pa empleado pa acerca prensa riba mal estado Parke Jaburibari

No ta mira nada di e renobacion di Parke Curason ainda manera Fundacion Facilidadnan ...

20 aña di prizon pa ambos sospechoso di caso wayaca

Diaranson corte di prome instancia a dicta sentencia den caso asesinato na Wayaca, despues ...