Autoridadnan di Panama diasabra pasa a captura un cargamento di droga, cu un balor di 90 miyon dollar, den un container cu supuestamente tabata transporta saco di carbon for di Cuba, fuentenan oficial a informa.
Unidad di Servicio Nacional Aeronaval (SENAN) a sigura cu a haya e container na Puerto di Cristobal, provincia di Colon, cu 46 maletin di 1.517 pakete di substancia ilicito.
Autoridadnan ta bisa cu e destino final tabata Turkia, cu scala na Rotterdam, Hulanda.
E carga, cu segun control di waf tabata raporta como saco di carbon, tabata scondi pa den di 46 maletin preto, tabata considera como miyonario, ya cu tabata supera 90 miyon di dollar riba mercado internacional, e Fiscal di Droga di Colon y Guna Yala Eduardo Rodriguez a afirma.
E Fiscal a señala cu no ta descarta cu personal of trahadonan di e mesun waf ta involucra den e caso aki. Den coordinacion cu e Fiscalia di Droga di Colon, e contrabanda a ser traslada pa e Base Comando involucra cu e transporte di e substancia.
Durante e periodo di e aña 2019 te e fecha, e Servicio Nacional Aeronaval a logra confisca 12.853 pakete di substancia ilicito, cu esey 14 boto y 33 suheto a ser aresta.
