Panama ta deporta Colombiano, Nicaragueño, Cubano y Venezolano

E Servicio Nacional di Migracion Panama a expulsa of deporta 950 stranhero den apenas tres luna, di e cual e parti mayor tabata Colombiano, Nicaragueño, Cubano y Venezolano, segun e institucion a splica den un comunicado.

“E pais paisnan cu ta lider cu persona sanciona ta Colombia, cu 262 stranhero, Nicaragua cu 214, Venezuela cu 209 y Cuba cu 126” e nota a splica. E rason pa e cual e migrantenan a ser sanciona tabata pa motibo cu nan permiso estadia na e pais a caduca, of pa permanencia iregular y no cumplimento di pena pa delito.

Migracion Panama splica cu e number di persona sanciona, ‘e medida di regreso boluntario a ser aplica pa 774 stranhero, e deportacion pa 149 y expulsion pa 48 ciudadano di varios nacionalidad’. E mayor parti di e stranheronan sanciona tabata homber (59%) entre 28 y 37 aña.

Panama ta un pais di transito pa hopi inmigrante cu ta busca alcansa e frontera di Merca. Cada aña, miles di Cubano, Haitiano, Africano y Asiatico ta crusa e trocha peligroso di e selva di Darien.

Panama ta enfrenta e migracion aki como un operacion denomina como ‘fluho controla’, mediante cual ta brinda e migrante prome auxilio, procesa e datonan pa evita tin relacion cu terorista of persona cu a huy for di husticia, y ta permiti pa continua nan caminda pa Merca.

Segun e organismo di gobierno, ta aprecia un ‘aumento’ di accion di control riba inmigrante indocumenta.

Durante aña 2018, entre deportacion, expulsion y regreso boluntario e cifra di Servicio Nacional di Migracion, ta registra un total di 6,692 stranhero.

 

You May Also Like

Brasil a lansa su mayor operativo contra corupcion di polis den historia

Diahuebs polis di Brasil a cuminsa cu un  operacion,  pa detene mas di 200 ...

nicolas-maduro.jpg

Comision permanente OEA ta pidi presidente Maduro reconsidera eleccion

(ElNacional) – E organisacion di Estadonan Americano (OEA) a aproba ayera den un sesion ...

VENEZUELA: Centronan di votacion ta amanece bashi

Dia di eleccion presidencial y di eleccion di representante municipal y estatal e urnanan, ...

Asamblea Constituyente a keda instala a pesar di rechaso internacional

Ayera diabierna Asamblea Nacional Constituyente a keda instala na Palacio Federal Legislativo, a pesar ...

Avion a cay pa fayo tecnico na Cuba: ocho militar a muri

Ocho militar, incluyendo e tripulacion di e avion, a fayece den un accidente cu ...

Cuba: Entrega gratis di pildo contra HIV a cuminsa

Un medicamento cu ta yuda preveni HIV na persona cu no tin e virus ...