Panama a uni su mes na otro paisnan cu ta ofrece un prueba di Covid-19 pa biaheronan ora nan ta yega na principal aeropuerto, casi un siman despues cu nan a reanuda e vuelonan internacional despues di un suspension di shete luna pa via di pandemia di coronavirus.

E test pa examina e pasaheronan ta yama Sofia Sars y tambe ta wordo utilisa na Merca y Israel, nan ta pretende preveni e importacion di casonan nobo, segun funcionarionan di e terminal aereo di e pais centro Americano.

Vuelonan internacional a wordo reanuda dialuna 12 di october y durante e prome cinco dia a wordo aplica e pruebanan pa mas di 1.000 persona, Yelitza Campos, asesor di Jers Medical, distribuido di pruebanan aki na Panama a bisa.

Ministerio di Salud a bisa cu binti biahero cu a wordo examina a sali positivo pa Covid-19, pa loke nan a keda aisla.

Raffoul Arab, gerente di Aeropuerto Internacional di Tocumen di Ciudad di Panama, a bisa cu e pruebanan ta costa 50 dollar y cu ta wordo realisa pa biaheronan cu ta yega na e pais sin un diagnostico negativo di un prueba realisa den ultimo 48 ora prome cu e biahe, e cual ta un rekisito obligatorio.

Tocumen ta wordo considera como un punto principal di conexion na Latino America prome di e pandemia tabata opera casi 420 vuelo pa dia, pa loke a busca “mantene e competitividad” di e terminal. Arab a agrega.

Panama, cu durante lunanan a impone medidanan fuerte di restriccion pa mobilidad pa evita e plamamento di e virus, a registra te awor casi 125.000 caso y 2.500 fayecido.

LEAVE A REPLY

Please enter your comment!
Please enter your name here