Bilaterals_002_2.jpg

ORANJESTAD – Sra. Jocelyn Croes, ex-Minister Plenipotenciario di Aruba na Washington y actualmente consehero  di Prome Minister, a compaña e mandatario den su bishita pa New York, unda cu nan a participa den Asamblea di Nacionnan Uni y diferente otro reunionnan importante. Un parti importante di e reunionnan tambe a enfoka riba  encuentronan apart unda cu Prome Minister Eman a reuni cu varios dignatario di “Small Island Development States” (SIDS) y tambe di paisnan mas grandi manera di Colombia y Panama.

E meta primordial di e bishita di Prome Minister Eman na New York, ta pa apoya Hulanda den reunionnan na nivel di Reino. Banda di esaki, a concretisa varios evento cu ta resultado di e partnership cu Nacionnan Uni a cera cu Aruba, principalmente pa duna un contribucion na SIDS.

Aruba ta destacando, pa ta un pais chikito, den mundo. Prome Minister Mike Eman a percura cu gran parti di mundo ta na altura loke Gobierno di su pais ta haciendo riba tereno di sostenibilidad. E presencia di Aruba ultimo añanan den encuentronan organisa door di Nacionnan Uni ta importante y ta mustra cu e organisacion aki ta mira cu Aruba por hunga un rol importante, principalmente pa paisnan SIDS. “Aruba, aunke cu nos ta chikito, ta move hopi riba tereno di innovacion, y e desafionan mundial ta wordo sinti tur caminda, na paisnan chikito y grandi. E ta un bon momento pa mira con leu Aruba a yega caba, y cual ta e caminda cu falta ainda,” Croes a expresa.

El a menciona un encuentro den cual nan a participa den cual Nacionnan Uni a adopta “Sustainable Development Goals” (SDG), cu ta 17 punto cardinal pa paisnan desaroya mas hopi. Den esaki, segun sra. Croes, e por a constata cu ciudad di New York ta trahando riba energia renovabel ta considerando adopta e puntonan presenta den e SDG, pa mehora nan mesun sistema di energia renovabel.

SDG ta mustra con por mehora loke cu tin pa yega un sistema di sostenibilidad mas grandi.

LEAVE A REPLY

Please enter your comment!
Please enter your name here