Mientras cu parada di luz na Oranjestad e cual a tuma luga diasabra di fin di siman pasa a registra 18 detencion, esun di San Nicolas tabatin 13 detencion diaranson ultimo pa diferente motibo.
Mediante un comunicado pa Prensa, Cuerpo di Polis a informa cu diahuebs pa 7:58pm polis conhuntamente cu SMAC a haci inicio di Parada di Luz San Nicolas.
Polis tabata tin 193 personal e cual ta consisti di polis uniforma, recherche, ME, AE, Flex Team, Mobile Commando, K9 Unit,Trafico, Unidad Motorisa,Planologie, personal administrativo y personal di CEA.
Pa 00:33 mainta e cabes di e parada a yega Joe Laveist y pa 2:20am e parada a yega su final.
E aña aki a conta cu 13 detencion di cual tabata pa droga, bringamento, no sigui ordo di polis, arma blanco, buracheria y tambe insulta polis. Aña 2023 tabata tin 9 detencion.
