(AP) — Paramount a tuma un paso agresivo den su esfuerso pa cumpra Warner Bros. Discovery, desafiando Netflix cu apenas dianan pasa a logra un acuerdo di $72 biyon pa tuma control di e compania.

Paramount a bisa dialuna cu e ta bay directamente na e accionistanan di Warner Bros. cu un oferta di aproximadamente $74.4 biyon, of $30 pa accion den cheque efectivo. Diferente for di Netflix, Paramount ta propone pa cumpra tambe e activonan di cable di Warner Bros., y ta pidi na e accionistanan rechasa e oferta di Netflix.

Esaki ta e mesun oferta cu Warner Bros. a rechasa anteriormente den fabor di Netflix, den un fusion cu por cambia drasticamente e panorama di entretenimento na Merca.

Paramount a critica e oferta di Netflix, bisando cu e “ta expone e accionistanan di WBD na un proceso regulacional cu ta prolonga varios hurisdiccion cu un resultado incierto, hunto cu un mesclacomplica y tenso di accion y cash.”

Diaranson, Netflix a logra un acuerdo pa cumpra Warner Bros. Discovery — e gigante di Hollywood responsable pa “Harry Potter” y HBO Max. E transaccion di cash y accion ta balora na $27.75 pa accion, dunando e compania un balor di $82.7 biyonincluyendodebe. Ta spera cu e transaccion ta cera den 12 te 18 luna, despues cu Warner separa formalmente su operacionnan di kabel. No ta inclui den e acuerdo e rednan manera CNN y Discovery.

Pero Diadomingo, Presidente Donald Trump a bisa cu e proposicion di Netflix pa cumpra Warner Bros. Discovery “por ta un problema” pa motibo di e cantidad di mercado combina.

E presidente Republicano a bisa cu e mes lo tin un papel den e decision tocante si gobierno federal mester aproba e acuerdo di $72 biyon.

Usha Haley, profesora di strategia internacional na Universidad di Wichita State, a bisa cu e conexion entre Paramount y Presidente Trump ta notable. David Ellison, CEO di Paramount, ta yiu di Larry Ellison — segundo persona mas rico den mundo y un partidario consistente di Trump.

Na october, Paramount a cumpra e sitio di noticia y comentario The Free Press y a nombra su fundador, Bari Weiss, como hefe di redaccion di CBS News, bisando cu nan ta kere cu e pais ta desea noticia “balansa y basa riba hecho.”

Esaki tabata un paso fuerte pa e rednandi televisiondi Walter Cronkite, Dan Rather y “60 Minutes,” cu hopi conservadornan ta mira como simbolo di media liberal. Awo e red ta dirigi na hende cu a gana fama pa resisti ortodoxia y lucha contra cultura “woke.”

E oferta hostil di Paramount ta caba riba 8 di januari 2026, a menos cu e ser prolonga.

Accionnan di Warner Bros. y Paramount a subi entre 5% y 6% dialuna merdia. Accionnan di Netflix a baha un tiki.