PARIS (AP) — For di e cayanan na New York na e podio Olimpico: e conkista mundial di breakdancing no conoce limite. Organisadonan di e Olimpiada 2024 na Paris kier e sport di baile, cual a plama for di New York na añanan 70, pa bira un evento di medaya na e weganan.
E decision final riba cua eventonan lo wordo inclui lo wordo haci pa IOC despues di e weganan di Tokyo 2020. Pero su simpel proposicion ayera di parti di Paris pa un debut Olimpico na 2024 tabata un logro cu lo eleva e perfil global di breakdancing, y su aceptacion como un bona fide sport competitivo.
Tambe riba e lista di deseo di Paris ta escala, surfing y skateboargin – cual tur lo haci nan debut Olimpico na e weganan 2020 na Tokyo. E hefe di e comite organisado di Paris, Tony Estanguet, a anuncia e seleccion, desapuntando otro deportenan cu a pidi pa un spot, incluyendo karate y squash.
E propuesta di Paris ta pa cuater sport hunto entre 248 atleta, split entre hombernan y muhenan. Lo mester crea espacio den e programa pa keda den e maximo di 10,500 Olimpiconan en total di IOC.
Den breakdancing competitivo, tambe yama breaking, breakers – hunto of den team – ta enfrenta otro den ‘bataya’, tumando turno pa show off un cantidad di movemento acrobatico, imaginativo y improvisa, na beat di un DJ, mira pa un panel di hurado cu ta scoge e ganado. Breaking a participa den e Olimpiada Hubenil aña pasa.
Estanguet a bisa cu e comite organisado di 2014 kier ‘conecta Olimpiada na su era’. Organisadonan a nota cu e deportenan proponi lo tin un atraccion amplio cerca hobennan, audiencia grandi y activo riba rednan social, y particularmente cu skateboarding y breaking, un base urbano. Otro bentaha di Paris mientras e ta busca di satisface esfuersonan di IOC pa menos desperdicio durante e weganan ta cu e cuater deporte aki no lo tin mester di ubicacion grandi y compleho.
Estanguet a bisa cu organisadonan na Paris tambe tin como meta pa haci e weganan di 2024 mas participativo cu nunca, permitiendo miembronan di e publico pa test nan mes contra e prestacion di atletanan Olimpico, den mundo real of virtualmente.
Esey lo por inclui organisa un marathon publico e mesun ruta cu e Olimpiconan ta core, y riba e mesun dia. Organisadonan tambe ta explorando tecnologia conecta cu lo por permiti publico competi virtualmente contra Olimpiconan. Esey lo inclui core un bais staciona na cas y compara e prestacion contra esun di ciclistanan den carera Olimpico.
