ORANEJSTAD – Miembro di fraccion di POR den parlamento, Alan Howell a indica cu recientemente Banco Central durante un reunion publico den parlamento a informa cu nan lo desea di retira e papel di 500 florin for di circulacion. E deseo aki ta debi cu casi no tin demanda pa e papel di 500 florin.
Mirando e informacion aki y teniendo na cuenta cu dentro di poco lo bay tin papel di florin nobo, Banco Central a haci peticion na parlamento pa aproba pa elimina e 500 florin den e constelacion nobo y lo pone den su luga papel di 200 florin cual lo por ta hopi mas uza den nos economia.
E peticion aki a bin despues cu Banco Central a haci un encuesta cu a indica cu no tin demanda pa e papel di 500 florin, den tur sector di comunidad, tanto cliente como comerciante. Durante reunion publico, parlamento unanimamente a vota pro pa elimina e 500 florin y bin cu e 200 florin den e constelacion di e placa nobo
Awo lo keda en espera pa dentro di algun siman, Aruba en general conoce e diseño nobo y e papel nobo di 200 florin, Alan Howell a conclui.
