Parlamentario Endy Croes ta preocupa cu e caso “Wasmachine” di Mike Eman. Desde luna di Mei a ricibi prueba(nan) oficial di placa cu Mike Eman a ricibi for di persona(nan) cu a y ta wordo investiga y otronan cu a haya castigo pa soborno. Ta asina cu Mike Eman a traves di Fundacion Campaña Mike Eman a ricibi 16 di September 2017 net algun dia prome cu eleccion di 27 di September 2017 un transferencia bancario di Roberto Rincon. Tin diferente transaccionnan a tuma luga pero esun di 16 di september 2017 nos tin e prueba den nos poder.

Dicon Mike Eman no a reacciona publicamente riba e asunto aki?

Parlamentario Croes a informa pueblo mediante conferencia di prensa na mas cu un ocasion di e asunto aki . Tambe den prensa skirbi esaki a sali publica na varios ocasion. Alaves a percura pa haci un trabou y a entrega keho oficial contra Mike Eman. No por ta asina paso Bo tabata Prome Minister e tempo aya anto Bo ta para ariba ley. Cuestionabel ta cu nos no tin prueba ainda si e transferencia aki a wordo gemeld na MOT y MOT na su turno a meld esaki na Ministerio Publico na tempo di acuerdo cu ley. Sinembargo si tin prueba cu Mike Eman a ricibi 50 mil US dollar ( 90 mil florin) riba su cuenta di banco. E placa aki a wordo uza entre otro pa paga 13 banda cu a toca den un lighting parade como ciere di campaña di AVP. Pueblo por imagina cuanto placa 13 bandanan musical lo cobra pa arma trailernan cu sound y toca pa un solo anochi? Placa preto di soborno Mike Eman a uza pa cumpra voto di humilde pueblo. Pa straño cu e ta zona Mike Eman ta “muisstil” riba e asunto aki. Mike Eman normalmente ta sali reacciona den conferencianan di prensa tur momento y den cas di partido e ta grita te bira cora den su reunionnan cu gruponan chikito. Hasta Mike a yega di falsifica tabel di Banco Central pa trata na manipula pueblo den voz halto. Pakiko Mike Eman no kier duna cara riba e aspecto aki? Paso awor si tin prueba? Dicon cera?

Investigacion lo mester determina cuanto placa realmente Mike a ricibi:

Ministerio Publico su mannan ta yen cu e fechorianan cu AVP a comete den 8 aña di nan gobernacion. Tanto e caso IBIS di Paul Croes, Avestruz di Benny Sevinger y awor Wasmachine di Mike Eman ta casonan di corupcion y fraude sumamente grandi. Ta spera cu Ministerio Publico por caba di haci su investigacion pa asina por determina cuanto placa dudoso Mike Eman a ricibi desde 2009 pa awor. Mike a tene man semper cu hopi bandido. Amigonan manera Roberto Rincon, kende na 2014 despues di eleccion a ricibi den 5 dia un tereno na Balashi di Mike y Benny, hendenan manera esunnan di CITGO kendenan mayoria a cay cera, Carbajal, Kico Gomez pa nombra algun. Awe poco poco pueblo ta haña sa di unda e placa tabata bin y por compronde e campañanan luhoso cu AVP a hiba cumprando voto cu placa preto. Parlamentario Endy Croes ta reta Mike Eman pa sali bin papia di e topico aki den prensa. Nos ta keda pendiente pa awor pa Ministerio Publico.

LEAVE A REPLY

Please enter your comment!
Please enter your name here